Matius 7:25 - Taaz Weru Witu u Nunuwu'en Tombulu

²⁵ I muzané totoz repet makaz i mahlewuh wo kasii u reges repet tumoromé um walé itii, um walé itii én zéi'kan marewa. Pahpaan um walé itii é méirendai witu un to'tolan watu.

Matius 7:25 ပူးပေါင်းရင်းမြစ်များ

Matius 16:18

Wo ni Aku kangkasii éng kumuama wia ni ko: Ni ko ém Petrus, ung kalakoana ém watu. Witu um wawo um watu kenu ni Aku é rumendai sé jamaat-Ku, wo um patéan zéi'kan mata'u kumawasa niitu.

Matius 7:24

Kuano kasii ni Yesus, “Séi sé mahtalinga an ipahkua-Ku kenu wo mahwangun niitu, ni séra é masuat wo si tou tulap si rimendai um walé witu un to'tolan watu.

Matius 7:26

Taan péléng sé mahtalinga an ipahkua-Ku kenu wo zéi'kan mahwangun niitu, ni séra é masuat wo si tou lemou si rimendai um walé witu um wawo un eris.

Matius 7:27

I muzané totoz repet makaz i mahlewuh wo kasii u reges repet tumoromé um walé itii, um walé itii é rengan i marewama wo totoz maléwo- léwo'ma.”

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Efesus 3:17

Pahpaan ni kamu ma'éman wia si Kristus, si Kristus é mento' witu un até niou wo u mahraa-raatéan é maéndo to'tolan wo kimawasa ung katou-touan niou.

Kolose 2:7

Um pa'émanen niou é léwo'zéi' in enté' tanu un ahmut ung kai in timeptep witu un tana', menou-nou mahkiit uman ni Sia. Um pa'émanen niou kangkasii é léwo'zéi' ing kaenté'na tanu u mémoituzu' wia ni kamu, wo ni kamu kangkasii én tia' mazéi' i mahkua u makasé.

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

1 Petrus 1:5

Péléng niitu én iwéhé wia ni kamu sé penaté-natéren karia ung kawasa ni Opo Empung pahpaan ma'éman wia ni Sia. Ni Sia é menaté-natér ni kamu, akaz ni kamu ipilot im witu un ukuman wana a singkéla'. Niitu é niimek-Na wia ni kamu witu ung kaakazan ung kaayahan.

1 Petrus 1:7

Wana am pema'wa'en itiimo toro ikatuzu'mé sa ni kamu uli-ulit ma'éman wia ni Sia kaapa zéi'kan. Um pa'émanen niou itiipé' u mahal taan u mas un toro uman maléwo'. U mas é léwo'zéi' in tunumpé'la i mahtata'u sa niitu wangun kaapa zéi'kan. Um pa'émanen niou wia ni Sia é lumouspé'mé niitu, u léwo'zéi' im wa'wa'en wo niitu maenté'. Karia in téntu ni kamu é loozen wo sigi'en im witu un oras si Yesus Kristus i mawurimé sumaup.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.