Matius 7:23 - Taaz Weru Witu u Nunuwu'en Tombulu

²³ In toro niitumo ni Aku makaulit ing kumua wia ni séra, ‘Ni Aku én zéi'kan nimahta'u-ta'ula ni kamu! Tumingkasa im witu u sinaru-Ku, ni kamu péléng sé memua-muali a léwo'an!’ ”

Matius 7:23 ပူးပေါင်းရင်းမြစ်များ

Matius 25:12

Taan si brédégom nimingkot umané, ‘Uli-ulit ikuakuma wia ni kamu, zéi'kan kata'uangku sa séi kamu.’ ”

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Lukas 13:25

Sa si makawalé rimendaio a meneta um pepenet, ni kamu é rumendai witi ondol wo menéngko-néngkor. Ni kamu mahkuama, ‘Tuang, wukaan ndootuumé kai!’ A Sia mingkoté, kuan-Na, ‘Ni kamu én zéi'kan kata'uang-Ku wisa a méyé.’

Lukas 13:27

Taan ni Sia éng kumua wia ni kamu, ‘Ni kamu én zéi'kan kata'uang-Ku wisa a méyé! Tumingkasa im witu u sinaru-Ku, é ni kamu péléng sé memua-muali a léwo'an!’

Yohanes 10:14

Ni Akumo si memimiara sé domba si lé'os uman wo kata'uang-Ku sé domba-Ku wo sé domba-Ku é mata'u ni Aku,

2 Timutius 2:19

Taan un to'tolan winangun ni Opo Empung én totoz enté', witu um wawona ém pinantikan téntii, “Si Mahpiara én totoz mata'u sé tou anu-Na” wo “Péléng sé tou mahkua i ni sia én anu ni Mahpiara é léwo'zéi' in tumula'ula a léwo'an.”

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.