Matius 7:22 - Taaz Weru Witu u Nunuwu'en Tombulu

²² Im witu un endo kaakazan ung kaayahan, lakez sé matumawah ni Aku, ‘Tuang, Tuang, ni kai mahkua a méikua-Mumé karia u ngaran-Mu wo mahwoho sé sétang karia u ngaran-Mu wo ni kai kangkasii mahwangun a makakompo'en karia u ngaran-Mu.’

Matius 7:22 ပူးပေါင်းရင်းမြစ်များ

Matius 10:15

Uli-ulit ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom wo Gomora u rorak taan un ukuman wia sé tou witu um wanua tua'na itii.”

Matius 24:36

Kuan kasii ni Yesus wia ni séra, “Zéi'kan siapa tou si mata'u sa sawisa un orasna si Oki' ni Tou i mawurimé sumaup. Sé malaekat witi kasendukan én zéi'kan mata'u wo si Oki' ni Tou kangkasii én zéi'kan mata'u, akaz uman si Ama' in esa si mata'u.

Matius 25:11

A mawiamé sé raraha lemou itii, a séra mahkéréta, ‘Tuang! Tuang! Wukaan ndootuumé kai!’

Matius 7:21

Kuan kasii ni Yesus, “Zéi'kan péléng sé tou sé sekezé é mahtawah ni Aku, ‘Tuang, Tuang!’ é maéndo tou witi Kakolanoan ni Opo Empung. Taan akaz uman sé tou mahwangun ang kapaaz ni Ama'-Ku si witi kasendukan sé maéndo tou-Na.

Lukas 10:12

Ikua-Kuma wia ni kamu, im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom u rorak taan un ukuman wia sé tou witu um wanua tua'na itii.”

Yohanes 11:51

Taan u méikuama ni Kayafas itii én zéi'kan mengiit ung genangna. Taan im Walian Wangko' witu un ta'un itii ni sia éng kimuama u méikuamé ni Opo Empung in esa i si Yesus é maté wia sé tahsasana wanua itii.

1 Tesalonika 5:4

Taan ni kamu, katuari-katuari, ni kamu én zéi'kan menou-nou witu ung karimbengbengan, taka-takazan i méyé un endo itii, ni kamu én zéi'kan mengompo' tanu si tou rinemu'an,

2 Tesalonika 1:10

Péléng niitu é mamuali witu un endo i ni Sia méyé sumaup. Ni Sia é loozen wo sigi'en né tou lenas wo sigi'en péléng né tou ma'éman. Ni kamu kangkasii é méikauntep wia sé tou lenas itii, pahpaan ni kamu é nima'émanola an tutuzu' méipahtuzu' nai wia ni kamu.

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

2 Timutius 1:18

Ni kopé' si totoz mata'u taan ni aku, ung kalakez um pinaayangna im witi Efesus. Mengalé-ngaléi uman si Mahpiara é rumaraatémé ni sia im witu un endo si Opo Empung métumotoz ulit kaapa zéi'kan um pahwangunen né tou.

2 Timutius 4:8

In tarékan ung kukulu iwéhé wia ni aku é niimeko ni Opo Empung, pahpaan ni aku é nimangunola an ulit witu u sinaru-Na. Ni Sia én zéi'kan mahsanaweka i mahtotoz ulit kaapa zéi'kan am pahwangunen né tou. Zéi'kan uman ni aku si makailek niitu, taan maan péléng sé ma'ento' si Yesus i mawurimé sumaup.