Matius 6:34 - Taaz Weru Witu u Nunuwu'en Tombulu

³⁴ Pahpaano niitu, tia'mo ikaarét niou tumoro u mamuali i sando, pahpaan i sando ém wéwéhan ung kasusaana in esa. Ung kasusaan in endo kenu én tia'mo pengawe-ngawesen.”

Matius 6:34 ပူးပေါင်းရင်းမြစ်များ

Matius 6:11

Wéhané kai tikohon in endo i nania mengiit am pemandungen nai

Matius 6:25

“Niitumo ikua-Kuma wia ni kamu: Tia'mo ikaarét ung katou-touan niou, tumoro ung kanen kaapa un elepen niou wo tia' kangkasii ikaarét un awak niou, tumoro ang karaien niou. Zéi'kankuaa ung katou-touampé' un ipahpuu-puuna taan ung kakanen, wo un awakpé' un ipahpuu-puuna taan ung karai?

Matius 6:27

Séi si wia ni kamu si pahpaan im paharétan, toro mawes zozo' in zéi'kan uré witu ung katou-touanna?

Lukas 10:41

Taan ni sia ém winingkot umanla ni Yesus, “Marta, Marta, ni ko én tahlous maarét wo tahlous mahsususa un toumu in esa wana péléng am péléng,

Lukas 11:3

Wéhané kai tikohon sekez in endo mengiit am pemandungen nai.

Lukas 12:11

Sa wéwéhan tou mahwali ni kamu witu u sinaru né tonaas né tou Yahudi witi walé peraragésan né tou Yahudi, kaapa wia sé mahperénta wo sé mahkawasa, tia'mo ikaarét niou apa u léwo'zéi' in ikua niou wo kura ing kumelung un tou niou.

Lukas 12:22

Ang kuan ni Yesus wia sé pahtuzu'en-Na, “Niitumo ikua-Kuma wia ni kamu, tia'mo ikaarét ung katou-touan niou, tumoro ung kanen niou wo tia' kangkasii ikaarét un awak niou, tumoro ang karaien niou.

Yohanes 14:27

Ung kaluasan witu un até én itula'u-Kuma wia ni kamu. Ung kaluasan witu un até-Ku én iwéhé-Kuma wia ni kamu. Wo ung kaluasan witu un até u méiwéhé-Kuma itii én zéi'kan masuat karia ung kaluasan witu un até u méiwéhé né wia ung kaayahan wia ni kamu. Tia'mo un até niou masusa wo maindé'.

Yohanes 16:33

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Filipi 4:6

Tia'mo tahlous maindé' tumoro am péléng. Taan im wana péléng am péléng, mengaléila wo ipapaayola péléng am pemandungen niou wo am pahaléien niou wia si Opo Empung karia i mahkua u makasé.

1 Petrus 5:7

Iayola wia ni Sia péléng an ikaarét niou, pahpaan ni Sia én totoz mahwéhé genang wia ni kamu.