Matius 6:28 - Taaz Weru Witu u Nunuwu'en Tombulu

²⁸ Kaa kamu paharétan tumoro ung karaien? Amoké ileken nioua am wunga bakung witi kapelasan, am wunga itii mahtoumé zéi'kan mahpaayang wo zéi'kan mahwangun wanang,

Matius 6:28 ပူးပေါင်းရင်းမြစ်များ

Matius 10:10

Ni kamu kasii én tia'mo mahali tatahu'an am walun im wana am pahlampangan, tia'mo mahali karai sasawelen, selop kaapa teken. Pahpaan si tou mahpaayang ém wangun i makailek um wawaér.

Matius 6:25

“Niitumo ikua-Kuma wia ni kamu: Tia'mo ikaarét ung katou-touan niou, tumoro ung kanen kaapa un elepen niou wo tia' kangkasii ikaarét un awak niou, tumoro ang karaien niou. Zéi'kankuaa ung katou-touampé' un ipahpuu-puuna taan ung kakanen, wo un awakpé' un ipahpuu-puuna taan ung karai?

Matius 6:27

Séi si wia ni kamu si pahpaan im paharétan, toro mawes zozo' in zéi'kan uré witu ung katou-touanna?

Matius 6:31

Pahpaano niitu, tia'mo kamu maarét wo mahkua, ‘Apa ung kanenta?’ kaapa ‘Apa un elepenta?’ kaapa, ‘Apa ung karaienta?’

Lukas 10:41

Taan ni sia ém winingkot umanla ni Yesus, “Marta, Marta, ni ko én tahlous maarét wo tahlous mahsususa un toumu in esa wana péléng am péléng,

Lukas 12:11

Sa wéwéhan tou mahwali ni kamu witu u sinaru né tonaas né tou Yahudi witi walé peraragésan né tou Yahudi, kaapa wia sé mahperénta wo sé mahkawasa, tia'mo ikaarét niou apa u léwo'zéi' in ikua niou wo kura ing kumelung un tou niou.

Lukas 12:22

Ang kuan ni Yesus wia sé pahtuzu'en-Na, “Niitumo ikua-Kuma wia ni kamu, tia'mo ikaarét ung katou-touan niou, tumoro ung kanen niou wo tia' kangkasii ikaarét un awak niou, tumoro ang karaien niou.

Lukas 12:27

Amoké ileken nioula am wunga bakung. Am wunga itii én zéi'kan mahwangun am wanang im wangunen karai, taan am wunga itii én totoz wangun. Ikua-Kuma wia ni kamu, si Salomo im witu ung kawangko'anna, zéi'kan nimahkara-karaila tanu ung kawangun un esaané im wana am wunga itii.

Lukas 3:11

A sia mingkotla, “Séi si wéwéhan karai zua, un esa én iwéhéla wia si zéi'kan siapa karai. Si tou wéwéhan kakanen, wéténgala sé zéi'kan siapa kakanen.”

Filipi 4:6

Tia'mo tahlous maindé' tumoro am péléng. Taan im wana péléng am péléng, mengaléila wo ipapaayola péléng am pemandungen niou wo am pahaléien niou wia si Opo Empung karia i mahkua u makasé.

1 Petrus 5:7

Iayola wia ni Sia péléng an ikaarét niou, pahpaan ni Sia én totoz mahwéhé genang wia ni kamu.