Matius 6:14 - Taaz Weru Witu u Nunuwu'en Tombulu

¹⁴ Pahpaan sa kamu méhéla ampungan wana ang kasumalaan né tou, si Ama' niou si witi kasendukan kangkasii é méhé un ampungan wia ni kamu.

Matius 6:14 ပူးပေါင်းရင်းမြစ်များ

Matius 5:7

Mahpaa-paazola sé tou rumaraaté sé kasuat tou, pahpaan ni séra én iraraaté ni Opo Empung.

Matius 6:12

wo ampungané ni kai im wana ang kasumalaan nai tanu ni kai kangkasii i niméhéla un ampungan wia sé tou nimangunla ang kasumalaan wia ni kai;

Matius 7:2

Pahpaan kuramo ni kamu i mahtotoz a liné'os né tou walina, téntumo si Opo Empung in tumotoz a liné'os niou. Wo kuramo um pakahilek niou wia sé tou walina, téntu kangkasii um pakahilek ni Opo Empung wia ni kamu.

Markus 11:25

Sa kamu rimendai i mengaléi, ampungampé'la si tou si simala'la wia ni kamu, wo si Ama' niou si witi kasendukan é méhé un ampungan wana ang kasumalaan niou.” [

Lukas 6:37

Ang kuan kasii ni Yesus, “Ni kamu én tia' mahtotoz ulit kaapa zéi'kan am pahwangunen né tou walina, wo kamu zéi'kan totozen ni Opo Empung wana am pinahwangun nioué. Ni kamu én tia' mapahsasala' sé tou wo ni kamu kangkasii én zéi'kan pahsasala'en ni Opo Empung. Ampungala ang kasumalaan né tou wia ni kamu, wo ang kasumalaan niou ampungan ni Opo Empung.

Efesus 4:32

Taan mahtututu'la i mahwangun a lé'os si esa im wia sé walina, mahraa-raatéan wo mahampu-ampungan tanu si Opo Empung niméhé ampungan mengiit um winangun ni Kristus.

Kolose 3:13

Ni kamu si esa im wia sé walina é maheze-ezenala, wo mahampu-ampungala sa wéwéhan si gimenang léwo' tumoro sé tou walina; tanu si Kristus Mahpiara é niméhémo ampung wia ni kamu, ni kamu kangkasii é mahwangunla tanu niitu.

Yakobus 2:13

Pahpaan si tou zéi'kan siapa raraatéan én totozen in ulit kaapa zéi'kan karia un zéi'kan siapa raraatéan. Taan u raraatéampé' un enté' taan un ukuman.

1 Yohanes 3:10

Ang kenumo an tumuzu'mé sé oki' ni Opo Empung wo sé oki' ni tonaas né sétang: Péléng sé tou sé zéi'kan mahwangun ung kaulitan wo kangkasii sé zéi'kan rumaraaté sé katuari néra esa pa'émanen, ni séra én zéi'kan oki' ni Opo Empung.