Matius 5:48 - Taaz Weru Witu u Nunuwu'en Tombulu

⁴⁸ Niitumo ni kamu é mahtututu'la wo ni kamu malekep tanu si Ama' niou si witi kasendukan i lekep.”

Matius 5:48 ပူးပေါင်းရင်းမြစ်များ

Matius 5:16

Téntumo kangkasii ni kamu, un ayah wia ni kamu é léwo'zéi' i mahsena'ma wia sé tou, wo u lé'os pahwangunen niou toro ka- ilekan néra wo séra mahsigi' wo mahlooz si Ama' niou si witi kasendukan.”

Matius 5:45

Pahpaan karia in téntu, ni kamu é nimaéndomola oki' ni Ama' niou si witi kasendukan, si mahserité u sena' ni endo wia sé tou lé'os wo wia sé tou léwo', wo mahtumpamé un uzan wia sé tou ulit witu u sinaru-Na wo wia sé tou zéi'kan ulit witu u sinaru-Na.

Matius 5:47

Sa kamu mapaayo u sisigi'an wia sé katuari niou uman, apa u lumousé im wana am winangun né tou walina? Pahpaan maan sé tou zéi'kan ma'éman wia si Opo Empung kangkasii é mahwangun an téntu.

Lukas 6:36

Ni kamu é léwo'zéi' rumaraatéla sé kasuat tou, tanu si Ama' niou i rumaraaté péléng sé tou.”

Lukas 6:40

Si pahtuzu'en én zéi'kan lumousé si mésterna. Taan i si pahtuzu'en nimalekepomé am pinahtata'una, ni sia é masuato karia ni mésterna.

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

2 Korintus 13:9

Ni kai é mahpaa-paaz sa ni kamu enté' wo ni kai zéi'kan enté'. Ni kai mengaléi wia si Opo Empung wo um pa'émanen niou malekep.

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

Efesus 3:1

Pahpaano niitu, ni aku Paulus ém binui pahpaan mahwoka' u Nuwu' Lé'os tumoro si Kristus Yesus wo ung kawangunan niou in tou zéi'kan Yahudi.

Kolose 1:28

Si Kristus itiimo si ipahwoka' nai wia si esa wo si esa, i ni kai mahsésa wo mahtuzu' ni séra karia ung katulapan u méiwéhémé ni Opo Empung, i mangun péléng sé tou uli-ulit ma'éman wia si Kristus.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

Yakobus 1:4

Tia' mazéi' i ma'éman zozo' lakez am pema'wa'en makaz ung kaezenan niou uli-ulit malekep, wo ni kamu lekep wo wutul im wana am péléng.

1 Yohanes 3:3

Si tou niméré' un téntu wia ni Sia é limenas un touna tanu si Kristus i lenas.