Matius 5:46 - Taaz Weru Witu u Nunuwu'en Tombulu

⁴⁶ Sa kamu rumaraaté uman sé tou rumaraaté ni kamu, apa u méikaawesé wia ni kamu? Pahpaan maan sé menanagi am pajak kangkasii é mahwangun an téntu.

Matius 5:46 ပူးပေါင်းရင်းမြစ်များ

Matius 11:19

In tarékan si Oki' ni Tou é niméyé, ni Sia é mahkan wo mahelep wo ni séra é mahkua, ‘Ilekena, ni Sia é sorem wo matetewelen, kakaria né menanagi am pajak wo né tou mahsingkéla'.’ Taan ung katulapan ni Opo Empung én ikatuzu'mé im wana am pahlé'osen né tou mahkiit ni Sia.”

Matius 18:17

Sa sia soopé' kasii tumalinga sé tou tinawahmumé itii, maipapata'ula niana péléng wia sé jamaat. Sa sia soopé' kasii tumalinga sé jamaat, irékénola sia in tou zéi'kan mata'u si Opo Empung kaapa si tou menanagi am pajak.

Matius 5:47

Sa kamu mapaayo u sisigi'an wia sé katuari niou uman, apa u lumousé im wana am winangun né tou walina? Pahpaan maan sé tou zéi'kan ma'éman wia si Opo Empung kangkasii é mahwangun an téntu.

Matius 6:1

Kuano kasii ni Yesus, “Gena-genangen! An tinotoz witu um pahempungan én tia' uman pahlé'osen niou witu saru-sarun né tou wo niitu ileken néramé. Pahpaan sa téntu, ni kamu én zéi'kan makailek um wawaér ni Ama' niou si witi kasendukan.

Markus 2:15

Tumondong niitu, i si Yesus karegas mahkan witi walé ni tou itii, lakez sé menanagi am pajak wo sé tou mahsingkéla' é mahkan mahwali karia ni Yesus wo né pahtuzu'en-Na, pahpaan totoz lakez sé tou nimengiité ni Sia.

Markus 2:16

I sé tou tulap un Torat sé wia sé sana réwok tou Farisi nimileka si Yesus mahkan karia né menanagi am pajak wo sé tou mahsingkéla' itii, kuan néra wia sé pahtuzu'en ni Yesus, “Kaa ni Sia mahkan karia né menanagi am pajak wo né tou mahsingkéla'?”

Lukas 15:1

Makasamé, sé menanagi am pajak wo sé tou memua-muali a singkéla', méyé in tumalinga si Yesus.

Lukas 18:13

Taan si menanagi am pajak itii é rimendai zou'ma oki', wo lumouspé'tarémé niitu ni sia é maindé' i lumoho' witi langit, karia i mahpéhos um wezwezna pahpaan i mene'sel wo mahkua: ‘O Opo Empung, iraraaté ndootuumé ni aku si memua-muali a singkéla' kenu.’

Lukas 19:2

Witu um wanua itii ém wéwéhan si tou wa'ilan makangaran Zakheus. Ni sia én tonaas né menanagi am pajak.

Lukas 19:7

Nimilek niitu, péléng sé tou é menembu-nembut wo mahkua, “Ni Sia mamento' witu um walé ni tou memua-muali a singkéla'.”

Lukas 3:12

Sé menanagi am pajak kasii é niméyé i mekisarani a meligau wia ni sia, “Méster, apa u léwo'zéi' im wangunen nai?”

Lukas 5:29

Tumondong niitu, a si Lewi mangunla um pésta selah witi waléna, pahpaan si Yesus. Lakez sé menanagi am pajak wo sé tou walina kiman mahwali-wali karia ni Yesus.

Lukas 5:30

Sé sana réwok tou Farisi wo sé tou tulap un Torat é mema'o-ma'os wia sé pahtuzu'en ni Yesus, a mahkua, “Kaa kamu mahkan wo mahelep karia né menanagi am pajak wo né tou mahsingkéla'?”

Lukas 7:29

Péléng sé tou timalinga a méipahkua ni Yesus wo karia né menanagi am pajak é mahkua i si Opo Empung én ulit. Pahpaan sé tou itii é sinaranimola ni Yohanes.

Lukas 7:34

Si Oki' ni Tou niméyé, ni Sia mahkan wo mahelep wo ni kamu é mahkua, ‘Ilekena, ni Sia é sorem wo matetewelen, kakaria né menanagi am pajak wo né tou mahsingkéla'.’