Matius 5:41 - Taaz Weru Witu u Nunuwu'en Tombulu

⁴¹ Wo sa wéwéhan tou menutu' ni kamu i masaan un apa uman esa kilometer ung kazou', pasaanena un apa uman itii zua kilometer ung kazou'.

Matius 5:41 ပူးပေါင်းရင်းမြစ်များ

Matius 27:32

I ni séra mahlampang mondolé im witi wanua tua'na, a séra masungkul si tou witi Kirene a méyé makangaran Simon. Si tou itii tinutu' nérala i masaan u salip ni Yesus.

Matius 5:40

Wo sa wéwéhan tou si mapahsasala' ni kamu pahpaan i mah- ééndo ung karai niou, iwéhé niou kasiila ung karai tonton niou.

Matius 5:42

Wéhanla si tou mahaléi wia ni kamu wo pinjangala sa wéwéhan si tou mahpipinjang wia ni kamu.”

Markus 15:21

In toro niitu a lumangkoi si tou makangaran Simon, tou Kirene, ama' ni Aleksander wo ni Rufus, si witi wanua walina a méyé, taré mahuuntep witu um wanua tua'na. Ni sia én tinutu' nérala i masaan u salip ni Yesus.

Lukas 23:26

I si Yesus méipahwali nérama, witi lalan ni séra mahilekan karia ni Simon tou Kirene, si witi wanua walina a méyé, mahuuntep witi wanua tua'na. Ni sia é méipekiento' nérala am pasaanan nérala u salip karia i mahkiita si Yesus.

2 Korintus 5:14

Niana péléng ém pahwangunen nai, pahpaan u raraatéan ni Kristus ung kimawasa ni kai. Pahpaan ung kalakoana éng kata'uan naimo, im puuna ni Sia i nimaté é simawel péléng sé tou. Niitumo, péléng sé tou én tanu nimatémo.