Matius 5:32 - Taaz Weru Witu u Nunuwu'en Tombulu

³² Taan ikua-Kuma wia ni kamu: Séi uman si tuama tuma'sala si mahayona, taan si mahayona zéi'kan simamek, si mahayona itii ém winangunnamola i mahsamek. Wo séi si kumawéngla si wéwéné tina'sala itii, ni sia kangkasii é mahsamek.”

Matius 5:32 ပူးပေါင်းရင်းမြစ်များ

Matius 5:28

Taan in tarékan ni Aku éng kumuama wia ni kamu: Séi uman si mahilek si wéwéné wo totozo paaz i sumamek kariana, si tou itii é mahsameko karia ni wéwéné itii witu un aténa.

Lukas 16:18

Ang kuan ni Yesus kasii, “Séi uman si tuma'sala si wéwéné mahayona ang kumawéngla sumaup karia ni wéwéné walina, si tuama itii é mahsamek. Wo séi uman si tuama kumawéngla si wéwéné méita'sala ni mahayona, si tuama itii kangkasii é mahsamek.”

Lukas 9:30

Ang kumompo'mé ém wéwéhan sé zua tou mahsirita karia-Na. Sé zua itii é si Musa wo si Elia.

Lukas 9:35

Im witu u ninahak talingan néramé u nuwu' mahkuamé, “Si kenumo si Oki'-Ku. Ni Sia ém pinéléng-Ku. Pahtalingala Sia!”

Roma 7:3

Niitumo, si wéwéné itii é mahsameko sa ni sia kumawéngla karia ni tuama walina i si mahayona menou-noupé'. Taan sa si mahayona matéma, si wéwéné itii én zéi'mo kinawasa an tinotoz itii. Niitumo, ni sia én zéi'kan mahsamek sa ni sia kumawéngla karia ni tuama walina.

1 Korintus 7:4

Si wéwéné kinawéngo, un awakna én zéi'mo anuna in esa taan anumo ni mahayona, téntu kangkasii si tuama kimawéngo un awakna én zéi'mo anuna taan anumo ni mahayona.