Matius 5:30 - Taaz Weru Witu u Nunuwu'en Tombulu

³⁰ Sa u lengenmu kakan nimangunla ni ko i mahsingkéla', ketorenola wo itia'la u lengen itii! Pahpaan tawimo ko ing kainaala u lengen kasaru, taan ni ko i makalengen un zua muntep witi naraka.”

Matius 5:30 ပူးပေါင်းရင်းမြစ်များ

Matius 11:6

Mahpaa-paazola sé tou simungkul ni Aku.”

Matius 13:21

Taan u Nuwu' itii én zéi'kan totoz nimahmut witu un até néra wo zéi'kan nimauréma. Sa méyé u susa wo un zéha pahpaan u Nuwu' itii, sé tou itii é rengan in timamburila im wia si Opo Empung.

Matius 16:23

A si Yesus merena wia si Petrus, ang kuan-Na, “Mingkasa ko tonaas né sétang! Ni ko ém watu pahkasangkilan im wia ni Aku pahpaan ni ko én zéi'kan mahgenang ung ginenang ni Opo Empung, taan mahgenang uman ung ginenang ni tou.”

Matius 17:27

Taan, wo séra zéi'kan maupi', mangémo mamopasé witi louz. Éndoné si seza' kataré niopasmumé wo wukala u sumahna, witu u sumah ni seza' itii ém wéwéhan un zoit un toro iwaér um pajakta zua witi Walé ni Opo Empung. Éndoné an zoit itii wo maiwaéré wia ni séra um pajak-Ku wo um pajakmu.”

Matius 18:8

Sa u lengenmu kaapa un a'ému nimangun ni ko mahsingkéla', ketorenola wo itia'la. Pahpaan tawimo ni ko menou-nou karia ni Opo Empung karia u lengen kaapa un a'é pokol taan ni ko karia u lengen zua wo un a'é zua, mailombo' witu un api zéi'kan mahpaté.

Matius 22:13

Ang kuan ni kolano itii wia sé atana: Apusela un a'é wo u lengenna wo sia ilombo'ma witu ung karimbengbengan totoz rimbengbeng, im wana ém wéwéhan sé mahamé' makaz am waang néra éng karékétokan.

Matius 25:20

A méyé si ata si nimakailek u limana riwu zoit mas, nimahalimé un zoit ung kinaawesanomé limana riwu zoit mas. Ang kuan ni ata itii wia si tuangna, ‘Tuang, u limana riwu zoit mas méitarawésamé ni Tuang wia ni aku, in tarékan éng kinaawesanomé limana riwu zoit mas.’

Matius 26:31

Ang kuan ni Yesus wia ni séra, “Im wengi kenu ni kamu péléng én tumula'u ni Aku. Pahpaan witu um Pinantik Lenas é méipantik, ‘Si memimiara sé domba ém wunu'eng-Ku, wo sé dombana én ikasera.’

Matius 5:22

Taan in tarékan ni Aku éng kumuama wia ni kamu: Séi uman sé maupi' wia si katuarina, ni sia é léwo'zéi' in ukumen. Séi si mahsalou si katuarina, ni sia é léwo'zéi' in isaru wia sé Mahkama Agama. Wo séi si mahkua si katuarina i letup, ni sia é léwo'zéi' in ilombo' witu un api naraka zéi'kan mahpaté.

Matius 5:29

Sa um werenmu kakan nimangunla ni ko i mahsingkéla', suitenola wo itia'la um weren itii! Pahpaan tawimo ko ing kainaala um weren esa, taan ni ko i makaweren un zua mailombo' witi naraka.

Markus 9:43

Sa u lengenmu kasaru mangunla ni ko i mahsingkéla', ketorenola u lengen itii! Pahpaan, tawimo ni ko menou-nou karia ni Opo Empung karia u lengen pokol kasaru, taan karia u lengen zua méiuntep umana witi naraka, witu un api zéi'kan mahpaté. [

Lukas 12:5

In tarékan én ituzu'-Kuma wia ni kamu séi si léwo'zéi' in ikaindé' niou. Ikaindé'la si Opo Empung, pahpaan ni Sia ém wéwéhan kawasa i munu' un awak niou wo lumombo' si roh niou witi naraka. Uli-ulit ikua-Kuma wia ni kamu, ikaindé'la Sia!

Lukas 17:2

Tawimo u léhé'na apusala um watu tua'na ipahgiling wo sia mailombo'mé witi tasik, taa sia mangun si esaané im wia sé tou ma'éman sé zéi'kan ipahréké-rékén kenu sumingkéla'.

Roma 9:33

tanu u méipantik witu um Pinantik Lenas: “Talingana ang kenu. Im witi kentur Sion, ni Aku én zimeta'momé um watu pahkasangkilan né tou, um watu tua'na um pahkazemakan néra, taan sé ma'éman wia ni Sia én zéi'kan papaiza-izang.”

1 Korintus 8:13

Niitumo, sa ung kakanen u maéndo raraung wia sé katuariku esa pa'émanen, ni aku é soomo kuman u lé'ona itii makaz ing kauré-uré, wo ni aku én zéi'kan maéndo raraung wia sé katuari esa pa'émanen.

Galatia 5:11

Wo ni aku, katuari-katuari, sa ni aku mahtuzu' wia sé tou tumoro u sunaten, kaa ni aku pahzézéhampé' né tou Yahudi? Pahpaan sa ni aku mahtuzu' wia sé tou tumoro u sunaten, si Yesus Kristus i nimaté sinalip én zéi'mo maéndo watu pahkasangkilan wia ni séra.

1 Petrus 2:8

Ni séra ém pahkasangkil wia ni Sia pahpaan zéi'kan mahtalinga u Nuwu' ni Opo Empung. Téntu un tinotozo ni Opo Empung i mamuali wia ni séra.