Matius 5:29 - Taaz Weru Witu u Nunuwu'en Tombulu

²⁹ Sa um werenmu kakan nimangunla ni ko i mahsingkéla', suitenola wo itia'la um weren itii! Pahpaan tawimo ko ing kainaala um weren esa, taan ni ko i makaweren un zua mailombo' witi naraka.

Matius 5:29 ပူးပေါင်းရင်းမြစ်များ

Matius 10:28

Ni kamu én tia' maindé' wia sé tou sé makawawa uman i munu' un awak niou, taan zéi'kan makawawa i munu' si roh niou. Taan maindé'la ni Sia si wéwéhan ung kawasa i munu' un awak wo si roh niou witi naraka.

Matius 11:6

Mahpaa-paazola sé tou simungkul ni Aku.”

Matius 16:26

Apa un torona si tou nimakailek péléng am wia ung kaayahan, taan ni sia éng kinaliongan ung katou-touanna? Apa un toro iwéhéna i sumawel ung katou-touanna?

Matius 17:27

Taan, wo séra zéi'kan maupi', mangémo mamopasé witi louz. Éndoné si seza' kataré niopasmumé wo wukala u sumahna, witu u sumah ni seza' itii ém wéwéhan un zoit un toro iwaér um pajakta zua witi Walé ni Opo Empung. Éndoné an zoit itii wo maiwaéré wia ni séra um pajak-Ku wo um pajakmu.”

Matius 19:12

Wéwéhan sé tou zéi'kan mata'u kumawéng pahpaan ni séra én téntumo rengané im pahawa-awakempé', wo wéwéhan sé tou zéi'kan kimawéng pahpaan winangun né tou walina nimaténtu. Wéwéhan kasii sé tou zéi'kan kimawéng pahpaan niitu ém paaz néra in esa wo séra toro maayang wia si Opo Empung si witi Kakolanoan-Na. Séi si makawawa i makatulap péléng niitu, ni sia é léwo'zéi' i mahtutulap niitu.”

Matius 23:15

Ikaléwo'la ni kamu sé tou tulap un Torat wo ni kamu sé sana réwok tou Farisi, é kamu sé tou mahgau-gau lé'os. Pahpaan ni kamu mahleweta un tasik wo mahliklik ang katanaan i menéro tou zozo' in esa uman ing kumiit um pa'émanen niou. I ni sia mahkiito um pa'émanen niou, ni sia winangun nioula maéndo tou si maiuntep witi naraka, si makazuamé ung kaléwo'an niou.

Matius 23:33

É kamu sé tou totoz léwo' sé tanumokan suzu né ulé' melangu! Kura kamu mapapilot un tou niou im witu un ukuman witi naraka?

Matius 5:22

Taan in tarékan ni Aku éng kumuama wia ni kamu: Séi uman sé maupi' wia si katuarina, ni sia é léwo'zéi' in ukumen. Séi si mahsalou si katuarina, ni sia é léwo'zéi' in isaru wia sé Mahkama Agama. Wo séi si mahkua si katuarina i letup, ni sia é léwo'zéi' in ilombo' witu un api naraka zéi'kan mahpaté.

Matius 5:30

Sa u lengenmu kakan nimangunla ni ko i mahsingkéla', ketorenola wo itia'la u lengen itii! Pahpaan tawimo ko ing kainaala u lengen kasaru, taan ni ko i makalengen un zua muntep witi naraka.”

Markus 8:36

Apa un torona si tou nimakailek péléng am wia ung kaayahan, taan ni sia éng kinaliongan ung katou-touanna?

Lukas 12:5

In tarékan én ituzu'-Kuma wia ni kamu séi si léwo'zéi' in ikaindé' niou. Ikaindé'la si Opo Empung, pahpaan ni Sia ém wéwéhan kawasa i munu' un awak niou wo lumombo' si roh niou witi naraka. Uli-ulit ikua-Kuma wia ni kamu, ikaindé'la Sia!

Roma 6:6

Kata'uanta sa ung katou-touanta im puuna é sinalipo pinahwali-wali karia ni Kristus, wo ni kita zéi'mo kinawasa ung kinanaram i mahsingkéla', wo ni kita zéi'kan pahata-atan a singkéla'.

Roma 8:13

Pahpaan, sa ung katou-touan niou é mahkiit ung kapaaz un awak in esa, ni kamu é makailek um patéan. Taan sa ung katou-touan niou é mahkiit ung kapaaz ni Roh Lenas, ni kamu é mahpapaté um pahwangunen un awak niou u mahsingkéla', wo ni kamu é mamenou-nou.

1 Korintus 9:27

Taan ni aku mahtututu' i mahnanaram un touku wo toro kumiit ang ginenangku, wo sa aku nimakawoka'mola u Nuwu' Lé'os tumoro si Kristus wia sé tou, tia' wo ni aku si zéi'kan wangun i makailek ung kukulu.

Galatia 5:24

Séi uman sé toumo ni Kristus Yesus, ni sia én zéi'mo mahkiit u lelo un awak i mahwangun a léwo' wo ung genang i mangun a léwo'an. Ni sia é simalipo péléng a lelo un awak i mahwangun a léwo' wo um paaz i mangun a léwo'an.

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.