Matius 5:18 - Taaz Weru Witu u Nunuwu'en Tombulu

¹⁸ Uli-ulit ikua-Kuma wia ni kamu! Kauré u langit wo ung kaayahan im wiapé', zéi'kan siapa zozo' ing kori' uman u méipantik witu un ukum Torat un zéi'en, sa péléng a méipantik itii zéi'kampé' nimamualima.

Matius 5:18 ပူးပေါင်းရင်းမြစ်များ

Matius 10:15

Uli-ulit ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom wo Gomora u rorak taan un ukuman wia sé tou witu um wanua tua'na itii.”

Matius 10:23

Sa kamu pahzézéhan néra witi wanua tua'na esa, tumingkasoma witi wanua tua'na walina. Pahpaan uli-ulit ikua-Kuma wia ni kamu: Puunala péléng am wanua tua'na witi Israel pakaangéan nioué, si Oki' ni Tou é niméyémo sumaup.

Matius 10:42

Séi uman si méhéma un elepen, zozo' in zano zaté uman wia si esaané im wia sé tou kanaramen kenu pahpaan sia mahkii-kiit ni Aku, uli-ulit ikua-Kuma: Ni sia én zéi'kan kaliongan um wawaér wia ni sia!”

Matius 11:11

Uli-ulit ikua-Kuma wia ni kamu: Im wia sé tou sé nimatoumé im wia sé wéwéné, zéi'kan siapa si lumousé ung kawangko' ni Yohanes, taan si totoz kori' im wia sé tou witi Kakolanoan ni Opo Empungpé' si wangko' taan ni sia.

Matius 13:17

Uli-ulit ikua-Kuma wia ni kamu, ‘Lakez sé nabi wo sé tou niéndo ulit ni Opo Empung paaz milek a niilek niou in tarékan, taan zéi'kan nimilek niitu wo kasii paaz tumalinga an tinalinga niou, taan zéi'kan timalinga niitu.’ ”

Matius 16:28

Uli-ulit ikua-Kuma wia ni kamu: Wéwéhan sé woopira im wia ni kamu im wia'i én zéi'kampé' nimaté puunala séra i mileka si Oki' ni Tou méyé ing Kolano witi Kakolanoan-Na.”

Matius 17:20

Ang kuan-Na wia ni séra, “Pahpaan ni kamu én zéi'kan uli-ulit ma'éman. Uli-ulit ikua-Kuma wia ni kamu: Sa kamu uli-ulit ma'éman zozo' um pa'émanen niou itii én tanu uman katua'na um watuna totoz rintek wia ung kaayahan, ni kamu én toro kumuama ung kentur kenuma in téntii, ‘Mérama witi kenuma!’ Ung kentur itii én ikaéra witi kenuma wo zéi'kan siapa an zéi'kan mamuali wia ni kamu. [

Matius 18:18

Uli-ulit ikua-Kuma wia ni kamu: Apa a sinéro' niou im wia ung kaayahan, niitu kangkasii é sinéro' im witi kasendukan. Wo apa ang kuan nioula in ulit im wia ung kaayahan, niitu kangkasii én ulit im witi kasendukan.

Matius 18:3

Ang kuan-Na, “Uli-ulit ikua-Kuma wia ni kamu, sa kamu zéi'kan tumula'ula a singkéla' niou wo maéndo tanu si koki' kenu, ni kamu én zéi'kan ikauntep witi Kakolanoan ni Opo Empung.

Matius 19:23

Ang kuan ni Yesus wia sé pahtuzu'en-Na, “Uli-ulit ikua-Kuma wia ni kamu, totoz susa si tou wa'ilan i muntep witi Kakolanoan ni Opo Empung.

Matius 19:28

Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.

Matius 21:21

A mingkotla si Yesus wia ni séra, “Uli-ulit ikua-Kuma wia ni kamu, sa kamu ma'éman wo zéi'kan mahzua-zua genang, ni kamu én zéi'kan uman toro mangun tanu um winangun-Kuma witu ung kai ara itii, taan ni kamu kangkasii én toro kumuama witu ung kentur kenu, ‘Mawutwuta wo ikalombo'ma witi tasik!’ niitu é mamuali.

Matius 21:31

Sa mengiit ni kamu séi si nimangun ung kapaaz ni ama' néra?” A sé tonaas né tou Yahudi itii mingkotla, “Si oki' tu'a.” Ang kuan ni Yesus wia ni séra, “Uli-ulit ikua-Kuma wia ni kamu, sé menanagi am pajak wo sé wéwéné sangayapé' sé puuna i muntep witi Kakolanoan ni Opo Empung taan ni kamu.

Matius 23:36

Uli-ulit ikua-Kuma wia ni kamu, péléng niia ém pengalin né tou in tarékan.”

Matius 24:2

Ang kuan ni Yesus wia ni séra, “Pahileken nioua péléng a méirendai itii? Uli-ulit ikua-Kuma wia ni kamu, zéi'kan siapa zozo' in esa im wana am watu wia un tampa kenu un iwaya i nimausunampé', péléng niitu é makemun.”

Matius 24:47

Uli-ulit ikua-Kuma wia ni kamu: Si tuangna itii én tumarawésa péléng a sangkumna wia si atana itii.

Matius 25:12

Taan si brédégom nimingkot umané, ‘Uli-ulit ikuakuma wia ni kamu, zéi'kan kata'uangku sa séi kamu.’ ”

Matius 25:40

Si Kolano itii é mingkot wia ni séra in téntii, ‘Uli-ulit ikua-Kuma wia ni kamu, péléng am winangun niouola wia si esaané im wia sé katuari-Ku sé totoz roros kenu, niitu ém winangun niouola wia ni Aku.’

Matius 25:45

Ni Sia é mingkot wia ni séra, ‘Uli-ulit ikua-Kuma wia ni kamu, péléng an zéi'kan winangun niou wia si esaané im wia sé katuari-Ku sé totoz roros kenu, ni kamu kangkasii én zéi'kan nimangun niitu wia ni Aku.’

Matius 5:26

Uli-ulit ikua-Kuma wia ni ko: Ni ko én zéi'kan ipahondo-ondolé im witi bui, sa an utangmu zéi'kampé' pinakawaérla.”

Matius 6:16

Kuan kasii ni Yesus, “Sa kamu mahpuasa, tia' ang gio niou ém pahileken in tekur tanu sé tou mahgau-gau lé'os. Pahwangu-wangunen néra ang gio néra, wo sé tou é mileké ni séra kare- gas i mahpuasa. Uli-ulit ikua-Kuma wia ni kamu: Ni séra é nima- kailekola um wawaér wia ni séra.

Matius 6:2

Niitumo, sa ni kamu méhé a sasawang wia sé tou zéi'kan siapa apa, tia'mo ipahwowoka' niou tanu am pahwangunen né tou mahgau-gau lé'os im wana am walé peraragésan né tou Yahudi kaapa wana a lalan, i mekilooz. Uli-ulit ikua-Kuma wia ni kamu: Ni séra é nimakailekola um wawaér wia ni séra.

Matius 8:10

Kaitalingamé u méikuamé ni tonaas né suraro itii, si Yesus é mengusi-ngusingsing ang kumuama wia sé tou mahkii-kiit ni Sia, “Uli-ulit ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu.

Markus 10:15

Uli-ulit ikua-Kuma wia ni kamu: Séi uman sé zéi'kan sumungkul ung Kakolanoan ni Opo Empung tanu sé koki' kenu, ni sia én zéi'kan ikauntep witu.”

Markus 10:29

A mingkotla si Yesus, “Uli-ulit ikua-Kuma wia ni kamu: séi uman si pahpaan mahkiit ni Aku wo pahpaan mahtuzu' u Nuwu' Lé'os ni Opo Empung timula'umé um waléna, kaapa sé katuarina tuama kaapa sé katuarina wéwéné, kaapa si ina'na kaapa si ama'na, kaapa sé oki'na kaapa an umana,

Markus 11:23

Uli-ulit ikua-Kuma wia ni kamu: Séi uman si kumuama witu ung kentur kenu, ‘Mawutwutomé wo ikaweritoma witi tasik!’ Sa sia zéi'kan mahzua-zua genang wo ma'éman u méikuanama itii é mamuali, niitu én uli-ulit mamuali.

Markus 12:43

A si Yesus tumawahmé sé pahtuzu'en-Na ang kumua, “Uli-ulit ikua-Kuma wia ni kamu, u méiwéhéma ni wéwéné mahesa-esamokan si zéi'kan siapa apa kenu é lumakezpé'mé an zoit méitahu'ma né tou witu um penanahu'an a raragés.

Markus 13:30

Uli-ulit ikua-Kuma wia ni kamu, ‘Sé tou menou-nou in oras in tarékan ém wéwéhan sé zéi'kampé' nimaté puunala niitu péléng i mamuali.

Markus 14:18

Karegas séra rimumez i mahkan witu, kuan ni Yesus, “Uli-ulit ikua-Kuma wia ni kamu, wéwéhan si esaané im wia ni kamu é mayo ni Aku. Si tou itii éng karegas mahkan karia-Ku.”

Markus 14:25

Uli-ulit ikua-Kuma wia ni kamu, ni Aku én zéi'mo mahele-elepla un anggor, makaz witu un endo ni Aku i melep un anggor weru witi Kakolanoan ni Opo Empung.”

Markus 14:30

Ang kuan ni Yesus wia ni sia, “Uli-ulit ikua-Kuma wia ni ko, in endo kenu, im wengi kenukan, puunala si laka' kumukuké ing kazua, ni ko é nimakatelumola ing kimélong ni Aku.”

Markus 14:9

Uli-ulit ikua-Kuma wia ni kamu, wisa uman wia ung kaayahan kenu u mawokaan né tou u Nuwu' Lé'os ni Opo Empung, um winangun ni wéwéné kenu én ikua néra kangkasii ing gumenang ni sia.”

Markus 3:28

Uli-ulit ikua-Kuma wia ni kamu: Péléng a singkéla' wo a séséro'an winangunla ni tou én toropé' ampungan.

Markus 6:11

Taan sa wéwéhan sé soo sumungkul ni kamu wo soo tumalinga ni kamu, mondolé im witi tampa néra, itangkaré an awu witu un a'é niou, i mapagenang wia ni séra i si Opo Empung é mukum ni séra.”

Markus 8:12

Tumalingamé niitu si Yesus é nimasenga selah ang kumuama, “Kaa sé tou in tarékan én totozokan i mahaléi u makakompo'en? Uli-ulit ikua-Kuma wia ni kamu, ni Aku én zéi'kan mangun u makakompo'en wia sé tou kenu in tarékan.”

Markus 9:1

A si Yesus kumua kasiila wia ni séra, “Uli-ulit ikua-Kuma wia ni kamu, sé woopira im wia ni kamu sé wia un tampa kenu én zéi'kan maté puunala séra nimilek ung kawasa wo ung Kakolanoan ni Opo Empung.”

Markus 9:41

Uli-ulit ikua-Kuma wia ni kamu, séi uman si méhéla wia ni kamu un zano elepen zozo' sana eelepan uman pahpaan ni kamu é mahkii-kiit si Kristus, ni sia én zéi'kan kaliongan um wawaér wia ni sia.”

Lukas 11:51

Niitu é rengané wia si Habel im winunu', makaz si Zakharia im winunu' witu um pinaselat um pahtunuan an ipahragés wia si Opo Empung wo um Walé ni Opo Empung. Ni Aku éng kumuama wia ni kamu, ‘Péléng niana é mapenutu'en wia sé tou in tarékan.’

Lukas 12:37

Mahpaa-paazla sé ata sé timégam i méileken ni tuang néra. Uli-ulit ikua-Kuma wia ni kamu, si tuang néra itii é mimek un touna, tawahennamé sé ata ing kuman wo ni sia si masumelewir sé atana.

Lukas 13:35

Totoz kata'uan nioula, um walé niou kenu én itula'u ni Opo Empung. Ikua-Kuma wia ni kamu: ‘Ni Aku én zéi'mo pahile-ileken nioula makaz ni kamu mahkua: Loozela Sia, si niméyé karia u ngaran ni Opo Empung!’ ”

Lukas 16:17

U langit wo ung kaayahan én toro uman mazéi', taan a méipantik witu un ukum Torat én zéi'kan mamuali i mazéi', zozo' niitu ém pinantik totoz kori' uman.”

Lukas 18:17

Uli-ulit ikua-Kuma wia ni kamu: Séi uman sé zéi'kan sumungkul ung Kakolanoan ni Opo Empung tanu sé koki' kenu, ni sia én zéi'kan ikauntep witu.”

Lukas 18:29

Ang kuan ni Yesus, “Uli-ulit ikua-Kuma wia ni kamu, séi uman si pahpaan ung Kakolanoan ni Opo Empung timula'umé um waléna, kaapa si wéwéné mahayona, kaapa sé katuarina, kaapa sé tu'ana, kaapa sé oki'na,

Lukas 23:43

A si Yesus mingkotla wia ni sia, “Uli-ulit ikua-Kuma wia ni ko, in endo kenu ni ko é mahwali-wali karia-Ku witi Firdaus.”

Lukas 4:24

Ang kuan-Na kasii: “Un ulitna én zéi'kan siapa si nabi si pahsigi'en witi wanuana.

Yohanes 1:51

Ang kuan ni Yesus kasii wia ni sia, “Uli-ulit ikua-Kuma wia ni kamu, ni kamu é mamilek u langit nimawuka wo sé malaekat ni Opo Empung mahsakéma wo mahtumpamé witu u sinaru ni Oki' ni Tou.”

Yohanes 10:1

A si Yesus kumuama, “Uli-ulit ikua-Kuma wia ni kamu: Séi uman si muntep witu um pahpiaraan sé domba zéi'kan mahkiit um pepenet, taan mahlawa'mé witu u réhén, si tou itii é maremu' wo mengangahat an anu né tou walina.

Yohanes 10:7

Niitumo si Yesus kimua kasiima, “Uli-ulit ikua-Kuma wia ni kamu, ni Akumo si pepenet wia sé domba itii.

Yohanes 12:24

Uli-ulit ikua-Kuma wia ni kamu: Sa um watuna ung gandum zéi'kan méitanem witu un tana' wo maté, niitu é menéntu-néntu uman zéi'kan mahawes. Taan, sa um watuna ung gandum itii matéma, taré niitu tumoumé wo mua'mé lakez.

Yohanes 13:16

Uli-ulit ikua-Kuma wia ni kamu: si ata én zéi'kan lumousé si tuangna, wo si aatu én zéi'kan lumousé si nimatumé.

Yohanes 13:38

A si Yesus mingkotla, “Apa ulit ni ko é mayo ung katou-touannu pahpaan ni Aku? Uli-ulit ikua-Kuma wia ni ko, puunala si laka' ing kumukuké, ni ko é makatelumo ing kimélong ni Aku.”

Yohanes 14:12

Uli-ulit ikua-Kuma wia ni kamu: Séi uman si ma'éman ni Aku, ni sia é mamaayang am pahpaayangeng-Ku. Wo zéi'kan uman niitu, ni sia kangkasii é maayang am paayangen lumouspé'mé niitu, pahpaan ni Aku é mangé wia si Ama'.

Yohanes 16:20

Uli-ulit ikua-Kuma wia ni kamu: ni kamu é mamé' karia i mahkérét, taan sé tou wia ung kaayahan kenu é mahpaa-paaz. Un até niou é marumara taan u rumara un até niou é maéndo mahpaa-paaz.

Yohanes 16:23

In endo itii zéi'kan siapa u ligauen niou wia ni Aku. Uli-ulit ikua-Kuma wia ni kamu, péléng am pahaléien niou wia si Ama' én iwéhé-Na wia ni kamu mengiité u ngaran-Ku.

Yohanes 21:18

Uli-ulit ikua-Kuma wia ni ko: I ni ko tarétumoupé', zéi'kan siapa si mahsawang ni ko i maké ung karai wo ni ko mahlampang wisa uman um paaz angéannu, taan i ni ko tu'amo ni ko é mayo u lengenmu wo sé tou walina é mapus ni ko wo mahwali ni ko witi tampa kasoomu.”

Yohanes 3:11

Uli-ulit ikua-Kuma wia ni ko, ni kai é mahnuwu'ma tumoro ang kata'uan nai wo ni kai é mahkua tumoro a niilek nai, taan ni kamu soo ma'éman an ipahkua nai.

Yohanes 3:3

A mingkotla si Yesus, “Uli-ulit ikua-Kuma wia ni ko, sa si tou zéi'kan itoumé sumaup in tou taré nimatoumé, si tou itii én zéi'kan mata'u maéndo tou witi Kakolanoan ni Opo Empung.”

Yohanes 3:5

Si Yesus nimingkotla, “Uli-ulit ikua-Kuma wia ni ko, sa si tou zéi'kan matoumé im witu un zano wo wia si Roh ni Opo Empung, ni sia én zéi'kan mata'u maéndo tou witi Kakolanoan ni Opo Empung.

Yohanes 5:19

A si Yesus mingkotla wia ni séra, “Uli-ulit ikua-Kuma wia ni kamu, si Oki' ni Opo Empung én zéi'kan mata'u kumura sa zéi'kan nimilek um winangun ni Ama'. Pahpaan apa um pahpaayangen ni Ama' niitu kangkasii um pahpaayangen ni Oki'.

Yohanes 6:26

A si Yesus mingkotla, “Uli-ulit ikua-Kuma wia ni kamu, ni kamu é menéro-néro ni Aku zéi'kan pahpaan ni kamu nimilekola a makakompo'en am winangun-Kumola, taan pahpaan ni kamu éng kimano u roti itii makaz nimawesuh.

Yohanes 6:32

Ang kuan ni Yesus wia ni séra, “Uli-ulit ikua-Kuma wia ni kamu, zéi'kan si Musa si niméhé wia ni kamu u roti witi kasendukan a méyé, taan si Ama'-Ku si niméhé wia ni kamu un uli-ulit roti witi kasendukan.

Yohanes 6:47

Uli-ulit ikua-Kuma wia ni kamu: Séi uman si ma'éman, ni sia é makaanu ung katou-touan makaz ing kauré-uré.

Yohanes 6:53

A si Yesus kumuala wia ni séra, “Uli-ulit ikua-Kuma wia ni kamu, sa ni kamu zéi'kan kuman un awak ni Oki' ni Tou wo melep un zaha'-Na, ni kamu én zéi'kan uli-ulit menou-nou.

Yohanes 8:34

Kuan ni Yesus wia ni séra, “Uli-ulit ikua-Kuma wia ni kamu, péléng sé tou mahwangun a singkéla' én ata a singkéla'.

Yohanes 8:51

Uli-ulit ikua-Kuma wia ni kamu: Séi uman si mahkiit u nuwu'-Ku, ni sia én zéi'kan maté makaz ing kauré-uré.”

Yohanes 8:58

Kuan ni Yesus wia ni séra, “Uli-ulit ikua-Kuma wia ni kamu, puunala si Abraham im wia, ni Aku ém wiamo.”

1 Petrus 1:25

taan u Nuwu' ni Opo Empung én zéi'kan mazéi' makaz ing kauré-uré.” U Nuwu' kenumo, u Nuwu' Lé'os tumoro si Yesus u mémoipapata'u wia ni kamu péléng.

Wahyu 20:11

An ilekengkuma u rurumezan ni Kolano ung kulo' wo tua'na wo ni Sia si rimumez witu. Witu u saru-sarun-Na a mazéi'ma u langit wo ung kaayahan makaz in zéi'mo pinahile-ilekla un tampana.