Matius 5:17 - Taaz Weru Witu u Nunuwu'en Tombulu

¹⁷ Kuan kasii ni Yesus, “Ni kamu én tia' mahgenangla sa ni Aku i niméyé wia ung kaayahan kenu é mézuméi' un ukum Torat wo an tutuzu' né nabi. Ni Aku i niméyé wia ung kaayahan kenu zéi'kan i zuméi' niitu taan i lumekep niitu.

Matius 5:17 ပူးပေါင်းရင်းမြစ်များ

Matius 3:15

Ang kuan ni Yesus wia ni sia, “Iwayamola ni ko si sumaranimé ni Aku. Pahpaan karia i nimangunla niitu, ni kita é nimangunola péléng um paaz ni Opo Empung.” Kaitalingamé niitu, a si Yesus saraninala.

Matius 7:12

Péléng ang kapaaz niou im wangunené né tou wia ni kamu, téntu kangkasii um wangunen nioula wia ni séra. Nianamo a méipantik witu un ukum Torat wo wana ang kitap am pinantik né nabi.”

Lukas 16:17

U langit wo ung kaayahan én toro uman mazéi', taan a méipantik witu un ukum Torat én zéi'kan mamuali i mazéi', zozo' niitu ém pinantik totoz kori' uman.”

Yohanes 8:5

Witu un ukum Torat si Musa é nimerénta wia ni kita i merit karia am watu wia sé wéwéné téntu. Kura un ikua-Mu tumoro niitu?”

Kisah Rasul-rasul 18:13

Ang kuan néra wia si gubernur witi Akhaya, “Si tou kenu é mahaker sé tou lakez i mahragés wia si Opo Empung taan zéi'kan masuat wo un ukum Torat.”

Kisah Rasul-rasul 21:28

karia i mahkérét, “É, tou Israel, sawangané kai! Kelasiamo si tou si mahtuzu' wia péléng sé tou an tutuzu' a mahsaru sé tou Israel, un ukum Torat wo um Walé ni Opo Empung kenu wana péléng an tampa niangéannamé! In tarékan, ni sia kangkasii é nimahwalimé sé tou Yunani wia um Walé ni Opo Empung wo nimangun un tampa lenas kenu makati'tiren!”

Kisah Rasul-rasul 6:13

An isaru néra kasiimé sé woopira tou ing kumua an towo tumoro si Stefanus. Sé tou itii é mahkua, “Si tou kenu én zéi'kan kumana' i mahkua a séséro'an tumoro um Walé ni Opo Empung wo un ukum Torat.

Roma 10:4

Si Kristus limekepo péléng am witu un ukum Torat wia ni kita. Niitumo, péléng sé tou ma'éman wia ni Sia é niéndo ulit ni Opo Empung.

Roma 3:31

Sa téntu, apa pahpaan um pa'émanen wia si Yesus Kristus wo kita mahzézéi' un ukum Torat? Zéi'kan! Lumouspé'tarémé niitu, ni kita éng kalousna i mahsigi' un ukum Torat.

Roma 8:4

Si Opo Empung nimangun niitu wo ni kita mawutul i mahwangun ung kapaaz-Na mengiit un ukum Torat, pahpaan in tarékan ni kita makawawa i menou-nou mahtali-talinga wia si Roh ni Opo Empung wo zéi'mo mahkiit ang kapaaz un awakta.