Matius 5:14 - Taaz Weru Witu u Nunuwu'en Tombulu

¹⁴ Ni kamu én tanu un ayah im wia ung kaayahan. Um wanua tua'na witi wawo ung kentur én zéi'kan mamuali in ikawuni.

Matius 5:14 ပူးပေါင်းရင်းမြစ်များ

Yohanes 12:36

Pa'émanela u sena' itii, karegas u sena itii wia ni kamu, wo ni kamu maéndo oki' ni sena'.” I nimakakuamola niitu, a si Yesus mangé witi tampa zéi'kan kata'uan néra.

Yohanes 5:35

Si Yohanes Menanarani én tanu u solo mahlayas wo mahsena'ma wo u sena' itii nimangun ni kamu mahpaa-paaz zozo' in zéi'kan mauréma.

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Yohanes 9:5

I ni Aku memia-mia ung kaayahan kenu, ni Akumo si sena' ung kaayahan.”

2 Korintus 6:14

Ni kamu i ma'éman wia si Yesus én tia' mahkari-karia wo sé tou zéi'kan ma'éman. Pahpaan, zéi'kan siapa u masuat im witu un ulit wo u léwo', kaapa zéi'kan mamuali un ayah mahwali-wali karia u rimbengbeng.

Filipi 2:15

Karia i mahwangun an téntu, ni kamu é mapailek i ni kamu én oki' ni Opo Empung sé zéi'kan siapa sinala' im wia sé tou léwo' wo méikalulu. Karia menou-nou im weresi wo zéi'kan siapa a sinala', ni kamu maéndo sena' wia ni séra, tanu u sena' né tototi'en i mahsena' wia ung kaayahan.

1 Tesalonika 5:5

pahpaan ni kamu péléng é menou-nou witu un ayah wo menou-nou in endo. Ni kita én zéi'kan menou-nou im wengi kaapa menou-nou witu ung karimbengbengan.

Wahyu 1:20

Ung kalakoan a méiwunipé' itii én téntii: Sé pitu tototi'en tinionan u lengen-Ku kakan é sé pitu malaekat wia sé pitu jamaat, wo um pitu pahto'tolan solo a mas am wangunen é sé pitu jamaat.”

Wahyu 2:5

Niitumo gena-genangen, ni kamu én totozo zou' im witu u raraaté niou im puuna. Kumana'mola i memangu-mangun an téntu wo mahwangunola tanu am pahwangunen niou im puuna. Sa kamu zéi'kan tumula'u a singkéla' niou, ni Aku é méyé wia ni kamu i mémukum ni kamu, un tanumokan ni Aku i méméndo am penono'tolan niou a solo.