Matius 4:24 - Taaz Weru Witu u Nunuwu'en Tombulu

²⁴ An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Matius 4:24 ပူးပေါင်းရင်းမြစ်များ

Matius 12:22

An ipahwalimé né tou wia si Yesus si tou sinelazan ni sétang. Si tou itii é letok wo wowo'. A sia lé'osena ni Yesus makaz si tou itii én toromo mahilek wo mahnuwu'.

Matius 14:1

In toro niitu, si Herodes Antipas si kolano witi Galilea én timalingala a sirita tumoro si Yesus.

Matius 15:22

A méyé si wéwéné tou Kanaan si witi tana' itii, mah- aléi wia si Yesus karia i mahkéréta, “O Tuang, Suzu ni Daud, iraraaté ndootuumé ni aku! Si kooki'ku é sinelazan ni sétang wo totozo in zézéha.”

Matius 17:15

kuana wia si Yesus, “Tuang, iraraaté ndootuumé si oki'ku. Ni sia é mati-mati ayang wo totozo in zéha. Ni sia mososeké én ikawéhéma witu un api kaapa ikaleseka witu un zano.

Matius 17:18

A si sétang si wia si koki itii peréntana ni Yesus i mondola. Si sétang itii é rengan i nimondola, in toro niitukan a malé'osa si koki' itii.

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Matius 8:28

I méikaayomoma witi lewet u louz, witi tana' né tou Gadara, a méyé wia si Yesus sé zua tou sinelazan né sétang, sé witi lelewengan a méyé. Sé zua itii én totoz léwo' taka-takazan zéi'kan siapa tou wo wuaya i lumangkoi witu u lalan itii.

Matius 8:33

A sé mahtéiz sé wawi itii rengan ing kimara'ma. I méika- ayomola witi wanua tua'na, a séra sumirita péléng a nimamuali. Méisirita néra kasiila u nimamuali wia sé tou zua sé sinelazan né sétang itii.

Matius 8:6

“Tuang, si ata witi waléku é saki. Ni sia é memitu-mitumokan ung kokolo'an pahpaan i lailai. Wo ni sia ndo'tuu én totozo zézéha.”

Matius 9:26

An ikawoka'ma u nimamuali itii witi péléng un tana' itii.

Matius 9:35

Si Yesus wo sé pahtuzu'en-Na é melili-liklik wana péléng am wanua wo wanua tua'na; ni Sia é mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung, wo mahlé'os péléng sé saki wo sé lailai.

Markus 1:28

A rengan in ikaserama u sirita tumoro ni Sia wana péléng an tampa witi Galilea.

Markus 1:32

I mawengimo, i si endo nimuntepola, sé tou mahwalima wia si Yesus péléng sé tou saki wo sé sinelazan né sétang.

Markus 2:3

a méyé sé tou epat memuléngé si tou lailai, ipahwali wia ni Sia.

Markus 2:4

Taan pahpaan in tahlouso lakez sé tou, ni séra én zéi'kan mata'u mahwali si tou itii witu u rété ni Yesus. Ang kayasen nérala un atep witu ung katoroan ni Yesus. I nimawukamoma, an itonton nérama karia um wuwuléngan si tou lailai itii.

Markus 2:9

Wisa u meripu' umané in ikuama wia si lailai kenu, ‘A singkéla'mu é niampungano’, kaapa ing kumuama ‘Tumoozomé, éndona um winuléngané ni ko wo lumampangoma?’

Lukas 2:2

Um perénta i mantik a ngaran né tou kenu éng kataré-taré winangun, i si Kirenius nimaéndo gubernur witi Siria.

Lukas 4:14

A si Yesus mangé witi Galilea karia ung kawasa ni Roh Lenas. Tumoro ni Sia é méikawoka'moma wana péléng an tana' itii.

Lukas 4:38

A si Yesus mondolé im witi walé peraragésan né Yahudi itii a mangé witi walé ni Simon. Si mahnuang wéwéné ni Simon é saki totoz pasu', am pahaléien nérala wia si Yesus i sumawang ni sia.

Lukas 5:15

Taan u nuwu' tumoro si Yesus éng kazou'na im pahkawoka'ma, a sé tou lakez mahtotondongané méyé wia ni Sia in tumalinga ni Sia wo lumé'os a saki néra.

Lukas 5:24

Taan wo kata'uan nioula im wia ung kaayahan kenu si Oki' ni Tou ém wéwéhan kawasa i méhé ampungan wana a singkéla' né tou.” Ang kuan-Na wia si tou lailai itii, “Ikua-Kuma wia ni ko, rumendaiomé, éndonoma um winuléngané ni ko wo mawurimoma witi walému!”

Lukas 7:17

An ikawoka'ma u sirita tumoro si Yesus witi Yudea wo wana an tampa walina.

Yohanes 10:21

Sé walina é mahkua, “Niitu én zéi'kan kukuan ni sinelazan, toro wé si tou sinelazan lumé'os um weren ni letok?”

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 15:23

Ni séra ém winéhanna um pinantik in téntii, “Sigi' wangko' nai in aatu ni Yesus wo né penatua wo né katuari niou, ipapaayo wia ni kamu katuari-katuari esa pa'émanen sé tou zéi'kan Yahudi sé witi Antiokhia, Siria wo Kilikia.

Kisah Rasul-rasul 15:41

a séra malumiklik witi Siria wo witi Kilikia. Im wana séra zua é mahenté' um pa'émanen né jamaat.

Kisah Rasul-rasul 28:9

Kumawusa u nimamualima itii, sé tou saki walina witi katanaan itii é niméyé wia si Paulus, wo séra péléng kangkasii liné'osnama.

Kisah Rasul-rasul 8:7

Pahpaan im wia sé tou lakez sé sinelazan é mahondolé sé sétang karia i mengéré-ngérét. Wo kasii lakez sé lailai wo sé kénto' é liné'osnama.