Matius 28:9 - Taaz Weru Witu u Nunuwu'en Tombulu

⁹ Kumompo'mé si Yesus é nimahilekanola karia néra a Sia sumigi'la wia ni séra. Séra rumétéla ni Sia, a mingki'la un a'é-Na a mahongkot wia ni Sia.

Matius 28:9 ပူးပေါင်းရင်းမြစ်များ

Matius 14:33

Sé tou witu u londéi é mahongkot wo mahsigi' si Yesus, kuan néra, “Ni Ko én uli-ulit Oki' ni Opo Empung.”

Matius 23:7

Ni séra ém paaz pahsigi'en né tou im wana am pasar wo paaz im pahtawahen né tou ‘méster’.

Matius 28:10

Ang kuan ni Yesus wia ni séra, “Tia'mo maindé'. Mangémo wo maikuala wia sé katuari-Ku wo séra mangé witi Galilea. Im wana ni séra é mamilek ni Aku.”

Matius 28:17

I ni Sia niilek nérala, a séra kumuruzla ung gio makaz witu un tana' witu u sinaru-Na, taan sé woopira im wia ni séra é mahzua-zua genang.

Matius 28:8

A séra rengan in tumula'umé u lelewengan itii karia i maindé' wo totoz i mahpaa-paaz wo mahkara'ma i makumua péléng niitu wia sé pahtuzu'en ni Yesus.

Lukas 1:28

Si malaekat itii é niméyé wia si Maria ang kumua wia ni sia, “U sigi'ku wia ni ko si kinamang ni Opo Empung, ni Sia é menaté-natér ni ko.”

Lukas 24:52

Séra kumuruzla ung gio makaz witu un tana' i mahsigi' ni Sia. A séra mawurima witi Yerusalem karia totoz i mahpaa-paaz.

Lukas 7:38

a sia rumendaila witu muri, rété un a'é ni Yesus. Ni sia é mahamé' wo u lué'na é mahtihisa witu un a'é ni Yesus, am pahpéhosenama karia um wuukna wo niitu maperama. Tumondong niitu pahsiomenna un a'é ni Yesus, am wuwu'annama karia u lana mahwou tariis.

Yohanes 12:3

A si Maria méndomé u sana pahzuana liter lana mahwou tariis, ngaran u lana itii é narwastu, un zéi'kampé' sinembor wo totoz mahal an iwuwu'nala u lana itii witu un a'é ni Yesus am pahisu'ennama un a'é ni Yesus karia um wuukna. Péléng um witu un untep um walé itii é mahwoukané tariis pahpaan u lana itii.

Yohanes 20:19

In Duminggu wengi itii sé pahtuzu'en ni Yesus é nimaréwok witu um walé, am pepenet um walé itii éng kinusi' pahpaan ni séra é maindé' wia sé tonaas né tou Yahudi. In toro niitu a méyé si Yesus wo rimendai witu un unez néra ang kumua, “Ung kaluasan witu un até é menaté-natér ni kamu!”

Yohanes 20:28

A si Tomas mingkotla wia ni Sia, “O Tuang wo Opo Empungku!”

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

Wahyu 3:9

Genang-genangen! Sé woopira im wia sé jamaat ni tonaas né sétang, sé tantowo, sé mahkua-kua in tou Yahudi taan un ulitna én zéi'kan, iayo-Ku wia ni kamu. Ni séra én uli-ulit wanguneng-Ku i mékumuruz witu u sinaru niou, wo ni séra mata'u i ni Aku é rumaraaté ni kamu.