Matius 28:7 - Taaz Weru Witu u Nunuwu'en Tombulu

⁷ Mahrewekola, wo maikuala wia sé pahtuzu'en-Na, ni Sia é méitoumomé sumaup ni Opo Empung im wia sé nimaté. Ni Sia é nimapuunamoma im wia ni kamu i nimangé witi Galilea. Im wana ni kamu é mamilek ni Sia. Totoz gena-genangen a méikuakuma wia ni kamu!”

Matius 28:7 ပူးပေါင်းရင်းမြစ်များ

Matius 24:25

Gena-genangen! Niitu é mémoikua-Ku wia ni kamu puunala niitu i mamuali.

Matius 26:32

Taan ni Aku i méitoumomé sumaup ni Opo Empung, ni Aku é mangé witi Galilea puunala ni kamu.”

Matius 28:10

Ang kuan ni Yesus wia ni séra, “Tia'mo maindé'. Mangémo wo maikuala wia sé katuari-Ku wo séra mangé witi Galilea. Im wana ni séra é mamilek ni Aku.”

Matius 28:8

A séra rengan in tumula'umé u lelewengan itii karia i maindé' wo totoz i mahpaa-paaz wo mahkara'ma i makumua péléng niitu wia sé pahtuzu'en ni Yesus.

Markus 14:28

Taan i ni Aku méitoumomé sumaup, ni Aku é mangé witi Galilea puunala ni kamu.”

Markus 16:10

A si Maria tou Magdala itii makumua a niilekna wia sé mahkii-kiit si Yesus, sé karegas i mahpengasi' wo mengamé-ngamé'.

Markus 16:13

A séra mawurima i mapata'u wia sé kakaria néra walina i ni séra é nimahilekanomé karia ni Yesus. Taan sé kakaria néra kasii én zéi'kan ma'éman.

Lukas 24:34

A séra kumua, “Totoz ulit si Yesus si Mahpiara nimatoumomé sumaup wo ni Sia é nimapaileko un tou-Na wia si Simon.”

Yohanes 14:29

In tarékan én ikua-Kuma wia ni kamu puunala niitu i mamuali, wo sa niitu mamualima, ni kamu é ma'éman.

Yohanes 16:4

Taan péléng niitu én ikua-Kuma wia ni kamu, wo i méyé un oras méikua-Kuma itii, ni kamu é maikagenang i ni Aku éng kimuamola niitu wia ni kamu.” A si Yesus kumua, “Niia én zéi'kan méikua-Ku rengan ing kataré-taré, pahpaan ni Aku é mengari-ngariapé' ni kamu.

1 Korintus 15:4

i ni Sia mémoileweng, wo witu un endo katelu ni Sia é méitoumé sumaup ni Opo Empung mengiit méipantik witu um Pinantik Lenas;

1 Korintus 15:6

Tumondong niitu, a Sia mapailek un tou-Na wia sé lumakezé né limana atus katuari ma'éman. Lakez im wia ni séra é menou-noupé' makaz in tarékan taan sé woopira im wia ni séra é nimatémoma.