Matius 28:20 - Taaz Weru Witu u Nunuwu'en Tombulu

²⁰ wo tuzu'ela séra i mahwangun péléng a mémoiperénta-Ku wia ni kamu. Kata'uan nioula, ni Aku é menaté-natér ni kamu makaz ung kaakazan ung kaayahan.”

Matius 28:20 ပူးပေါင်းရင်းမြစ်များ

Matius 1:23

“Un ulitna, si raraha itii é mahawa-awak wo tumou si lowai wo ni Sia é ngaranan néra Imanuel.” (Ung kalakoana: Si Opo Empung é menaté-natér ni kita).

Matius 13:49

Téntumo kangkasii u mamuali witu un endo kaakazan ung kaayahan. Sé malaekat é méyé wia ung ka- ayahan wo métumampas sé tou léwo' im wia sé tou niéndo ulit ni Opo Empung.

Matius 18:20

Pahpaan sa wéwéhan zua kaapa telu tou sé nimaréwok i mengaléi karia u ngaran-Ku, ni Aku kangkasii é memali-mali karia néra.”

Matius 24:3

Tumondong niitu, a si Yesus mangé witi kentur Zaitun. Im witu si Yesus rimumezla, a méyé sé pahtuzu'en-Na i mésumirita karia-Na, kuan néra, “Méster, ikuamé wia ni kai sawisa u méikua-Mumé itii mamuali, wo apa un tumuzu'mé ni Ko i mawurimé wo an tumuzu'mé ung kaakazan ung kaayahan?”

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Markus 16:20

Tumondong niitu, sé pahtuzu'en ni Yesus mangé wana péléng a saruan i mahwoka' wia sé tou u Nuwu' Lé'os tumoro si Yesus. Karegas niitu, si Mahpiara é mahpaayang karia néra mahwangun a makakompo'en i menté' u Nuwu' Lé'os itii.

Kisah Rasul-rasul 2:42

Ni séra én uli-ulit mahtalinga an tutuzu' ipahtuzu' né aatu ni Yesus wo meréwo-réwok. Wo ni séra kasii sekezé é mahkan wo mahmengaléi mahwali-wali.

Kisah Rasul-rasul 20:27

Pahpaan ni aku én zéi'kan kawisa wo zéi'kan mahwoka' péléng ang ginenang ni Opo Empung wia ni kamu.

1 Korintus 11:2

Ni aku é mahlooz ni kamu in jamaat ni Opo Empung wia ang Korintus pahpaan ni kamu sekezé é mahgenang am pahwangunengku wo mahkiit péleng an tutuzu' méipahtuzu'ku wia ni kamu.

1 Korintus 11:23

Pahpaan a méikuakuma wia ni kamu éng kinailekangkumé wia si Mahpiara. Im wengi puunala si Yesus Mahpiara i méiayo wia sé mahkawasa, Sia méndomé u roti,

1 Korintus 14:37

Sa wéwéhan tou mahkua i ni sia é nabi, kaapa tinambéran ni Roh Lenas, ni sia é léwo'zéi' mata'u sa péléng am pinantikku kenu ém perénta ni Mahpiara.

Kolose 1:28

Si Kristus itiimo si ipahwoka' nai wia si esa wo si esa, i ni kai mahsésa wo mahtuzu' ni séra karia ung katulapan u méiwéhémé ni Opo Empung, i mangun péléng sé tou uli-ulit ma'éman wia si Kristus.

2 Timutius 4:17

Taan si Mahpiara én timatér wo nimenté' ni aku makaz u Nuwu' Lé'os toro ipakawoka'ku wo talingana péléng né tou zéi'kan Yahudi. Karia in téntu, ni aku é méikapiloté im witu um patéan tanumokan méikapiloté witu u sumah ni singa.

2 Petrus 3:2

Kapaazku ni kamu gumenang a méikua né nabi lenas im puuna wo am perénta ni Mahpiara wo si nimilot ni kita im witu un ukuman wana a singkéla', wia sé aatu-Na, an ikua néra wia ni kamu.

Wahyu 1:18

wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

Wahyu 22:14

Mahpaa-paazola sé tou mahkemes ang karai tonton néra akaz i maweresi. Pahpaan ni séra én toro kuman am wua'na ang kai u mahwéhémé ung katou-touan wo toro muntep witu um wanua tua'na itii lumangkoia wana am pepenet tua'na.