Matius 28:19 - Taaz Weru Witu u Nunuwu'en Tombulu

¹⁹ Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Matius 28:19 ပူးပေါင်းရင်းမြစ်များ

Matius 13:52

Ang kuan ni Yesus wia ni séra, “Niitumo, péléng sé tou tulap un Torat sé timalingamo an tutuzu' tumoro ung Kakolanoan ni Opo Empung én tanu si makawalé si nimondolé péléng a sangkum werupé' wo an urémo im wana am pahtu'tulan a sangkumna.”

Matius 25:32

Péléng sé tahsasana wanua é réwoken witu u sinaru-Na wo patampasen-Na sé tou maéndo zuana réwok, tanu si mahtéiz sé domba in timampas sé domba im wia sé kambing.

Kisah Rasul-rasul 1:2

makaz un endo ni Sia i mawénéta nimangé witi kasendukan. Puunala niitu ni Sia é niméhé um perénta mengiité si Roh Lenas wia sé aatu sé pinéléng-Na.

Kisah Rasul-rasul 1:8

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

Kisah Rasul-rasul 14:21

Im witi Derbe, si Paulus wo si Barnabas é mahwoka' u Nuwu' Lé'os tumoro si Yesus, taka-takazan lakez sé tou nima'éman wia si Yesus. A séra mawuri sumaup witi Listra, a meméhé-méhéma mangé witi Ikonium wo Antiokhia.

Kisah Rasul-rasul 2:41

Sé tou niméhé genang witu u méikua ni Petrus é niméhéla un tou néra i sinarani. Im witu un endo itiikan, sé tou ma'éman wia si Yesus éng kinaawesan woo teluna riwu tou.

Kisah Rasul-rasul 28:28

Tumondong niitu a si Paulus kumua kasiila, “Pahpaano niitu, ni kamu é léwo'zéi' i mata'ula sa u nuwu' tumoro si Opo Empung milot sé tou im witu un ukuman wana a singkéla' én ikua wia sé tou zéi'kan Yahudi wo séra tumalinga niitu.” [

Kisah Rasul-rasul 9:18

In toro niitukan, wéwéhan un tanu an erap nimagogomé im witu um werenna, a sia toromo mahilek sumaup. A sia rumendaié a saranila.

Roma 10:18

Taan ni aku é meligau: Apa sé tou Yahudi én uli-ulit zéi'kampé' timalinga u Nuwu' Lé'os tumoro si Yesus itii? Ni séra én timalingamo niitu. Pahpaan witu um Pinantik Lenas é méipantik in téntii, “Si nimahalimé an ipapata'u é nimapata'umoma wia péléng ung kaayahan, wo u méikua nérama én tinalingamoma makaz witi pondolna ung kaayahan.”

1 Korintus 15:29

Im wia ni kamu ém wéwéhan sé mahkua, si tou nimatémo én zéi'kan itou sumaup. Sa ulit téntu, apa un torona sé tou sinarani i sumawel sé tou nimatémo? Sa sé tou nimatémo zéi'kan méitoumé sumaup ni Opo Empung, zéi'kan siapa torona sé tou sinarani i sumawel sé tou nimatémo.

Galatia 3:27

Ni kamu péléng sé sinaranimo karia u ngaran ni Kristus, ung katou-touan niou én tanumo ung katou-touan ni Kristus.

Efesus 2:18

Pahpaan mengiité si Kristus, kita in tou Yahudi karia né tou zéi'kan Yahudi, winukaan lalan i rumété wia si Opo Empung si Ama' karia in tinulung ni Roh Lenas si esa uman.

Kolose 1:23

Niitumo, ni kamu én tia'mo kumana' i ma'éman wo tia'mo mahzua-zua genang. Ni kamu én uli-ulit ma'émanla wo tia' ipahtutula'u um pahéré'an niou witu u Nuwu' Lé'os tumoro si Yesus, un tinalinga niouo itii. U Nuwu' Lé'os itii é méikawoka'mo wia ung kaayahan, wo ni aku, Paulus, si mahpaayang a méiatu ni Opo Empung i mapata'u u Nuwu' Lé'os tumoro si Yesus itii.

1 Petrus 3:21

Un ampuhan itii én toro pasuaten karia u sasarani in tarékan un tumuzu'mé si Opo Empung nimiloté ni kamu im witu un ukuman wana a singkéla', mengiité si Yesus Kristus si méitoumomé sumaup ni Opo Empung im wia sé nimaté. Ni kamu i sinarani én zéi'kan i meresi un tou niou, taan u sasarani én tumuzu'mé i ni kamu mahaléi wia si Opo Empung i makaileké un até weresi.

1 Yohanes 5:7

Pahpaan telu sé mahkua ang kata'uan néra [im witi kasendukan: Si Ama', u Nuwu' ni Opo Empung wo si Roh Lenas wo sé telu itii én esa.