Matius 28:18 - Taaz Weru Witu u Nunuwu'en Tombulu

¹⁸ A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Matius 28:18 ပူးပေါင်းရင်းမြစ်များ

Matius 11:27

A si Yesus kumua kasiima, “Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama' si mata'u si Oki', wo zéi'kan siapa zozo' in esa si mata'u si Ama', akaz uman si Oki' si mata'u si Ama' wo sé tou pinéléng ni Oki' sé makuaan-Na tumoro si Ama'-Na.

Matius 16:28

Uli-ulit ikua-Kuma wia ni kamu: Wéwéhan sé woopira im wia ni kamu im wia'i én zéi'kampé' nimaté puunala séra i mileka si Oki' ni Tou méyé ing Kolano witi Kakolanoan-Na.”

Matius 26:64

A si Yesus mingkotla, “Ni ko éng kimuamomé niitu, taan ikua-Kuma wia ni kamu, rengan in tarékan ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”

Lukas 10:22

Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama'. Zéi'kan siapa zozo' in esa si mata'u si Ama', akaz uman si Oki' wo sé tou sé kapaaz ni Oki' sé makuaan-Na tumoro si Ama'.”

Yohanes 13:3

Si Yesus mata'u i si Ama' é niméhémo péléng am péléng wia ni Sia. Wo ni Sia ém wia si Opo Empung a méyé wo mawuri sumaup wia si Opo Empung.

Yohanes 17:2

Si Ama' é niméhémo ung kawasa wia ni Aku ing kumawasa wia péléng sé tou, wo sé tou méiwéhé-Mu wia ni Aku ém wéhang-Ku ung katou-touan makaz ing kauré-uré.

Yohanes 3:31

Ni Sia si witi kasendukan a méyé é lumouspé'mé ung kawangko'an péléng né tou, taan ni sia si wia ung kaayahan a méyé én tou wia ung kaayahan wo mahkua tumoro a mahmuali wia ung kaayahan kenu. Ni Sia si witi kasendukan a méyé é lumouspé'mé ung kawangko'an péléng né tou.

Yohanes 3:35

Si Ama' é rumaraaté si Oki'-Na wo niméhémo wia ni Sia ung kawasa wana péléng am péléng.

Kisah Rasul-rasul 10:36

Kata'uan niouo u Nuwu' ni Opo Empung u méipapaayo wia sé tou Israel. Ni Sia éng kimua i sé tou é mawurian sumaup karia ni Opo Empung mengiité si Yesus Kristus, si nimaéndo Mahpiara péléng né tou.

Kisah Rasul-rasul 2:36

Niitumo, ni kamu péléng in tou Israel é léwo'zéi' in totoz mata'ula i si Yesus si salip niouola itii ém winangunola ni Opo Empung maéndo Mahpiara wo Kristus.”

Roma 14:9

Pahpaano niitu si Kristus nimaté wo méitou sumaup ni Opo Empung im wia sé nimaté wo ni Sia maéndo Mahpiara né tou nimaté wo né tou menou-nou.

1 Korintus 15:27

Pahpaan witu um Pinantik Lenas é méipantik in téntii, “Pinakakalamo ni Opo Empung wo niana péléng ém witumo ung kawasa ni Kristus.” Niitu un tumuzu'mé wia ni kita sa péléng sé kinalamo éng kinawasamo ni Kristus. Taan si zéi'kan kinawasa-Na é si Opo Empung, pahpaan si Opo Empung si nimangun niana péléng makaz ing kinawasa ni Kristus.

Kolose 2:10

Wo pahpaan i nimaesamo karia ni Kristus, ni kamu ém winéhan ung katou-touan nimawutul. Ni Siamo si tonaas péleng né roh sé mahpeperénta wo sé mahkakawasa.

Ibrani 1:2

Taan in tarékan, im wana an endo kaakazan ung kaayahan kenu, ni Sia é nimuwu' wia ni kita mengiité si Oki'-Na, si tinotozo i maéndo makaanu péléng am péléng. Mengiité si Oki'-Na, si Opo Empung nimangun péléng am péléng.

Ibrani 2:8

pahpaan péléng am péléng é méiwéhé-Mu ing kawasaanna tanu i méiwéhé witu um wawa' um palaz un a'éna.” Pahpaan péléng am péléng é mémoiwéhé-Mu ing kawasaan ni tou, niitu én tumuzu'mé zozo' in esa én zéi'kan siapa an zéi'kan méiwéhémé ing kawasaanna. Taan akaz in tarékan ni kita én zéi'kampé' nimilek péléng am péléng éng kinawasaannamo.

1 Petrus 3:22

In tarékan si Yesus Kristus é nimangémo witi kasendukan a rumumezla witu u rurumezan totoz pahsigi'en witu ung kakan ni Opo Empung. Wo péléng sé malaekat, péléng sé mahkawasa wo péléng ang kaketezan ém witumo ung kawasa ni Yesus Kristus.

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”

Wahyu 19:16

Witu ung karai tonton-Na wo witu um paa-Na ém pinantikan u ngaran, “Kolano péléng né kolano wo Tuang péléng né tuang.”