Matius 27:66 - Taaz Weru Witu u Nunuwu'en Tombulu

⁶⁶ A séra mangé witi lelewengan wo karia a sasawang né mahtéiz itii, u lelewengan itii é sinegel néramé wo tinéizan.

Matius 27:66 ပူးပေါင်းရင်းမြစ်များ

Matius 27:60

An izeta'nala un awak ni Yesus witu u lelewengan weru, u méikiarna witu ung kentur watu. Tumondong niitu an isoro'nama um watu tua'na in ipalot um wosona u lelewengan itii, a sia mangé.

Matius 27:65

Ang kuan ni Pilatus wia ni séra, “Sé kenu sé suraro matuméiz, mangémo wo matéizala lumé'o-lé'os u lelewengan itii.”

Matius 28:11

Karegas sé wéwéné itii witi lalan, sé woopira im wia sé mahtéiz u linewengan si Yesus é nimangé witi wanua tua'na Yerusalem, a makumua péléng a nimamuali itii wia sé tonaas né walian.

Matius 28:2

Kumompo'mé a méhzo'mé totoz repet pahpaan si malaekat ni Opo Empung si witi kasendukan én timumpamé a méyé witu um watu méipalot u lelewengan itii, a niitu isoro'nama a sia rumumezla witu um watu itii.

Markus 16:4

Taan ni séra i merétémoma u lelewengan, ileken nérama um watu totoz tua'na itii é mémoikasoro'.

Yohanes 20:1

In endo kataré witu un duminggu itii, im woondopé' karengan, i rimbengbengpé', si Maria tou Magdala nimangé witi linewengan itii. Ni sia nimilek um watu méipalot u linewengan si Yesus itii é mémoikasoro'.

2 Timutius 2:19

Taan un to'tolan winangun ni Opo Empung én totoz enté', witu um wawona ém pinantikan téntii, “Si Mahpiara én totoz mata'u sé tou anu-Na” wo “Péléng sé tou mahkua i ni sia én anu ni Mahpiara é léwo'zéi' in tumula'ula a léwo'an.”

Wahyu 20:3

An iweritnama si naga itii witu um woso um patéan. Ang kusi'ennamé um woso um patéan itii a segelennamé um wawona. Karia in téntu, si naga itii én zéi'mo mata'u lumulu sé tahsasana wanua witu u sana riwuna ta'un. Ing kimawusoma u sana riwuna ta'un, si naga itii én ipilot sumaup ni malaekat itii taan zéi'kan mauréma.