Matius 27:56 - Taaz Weru Witu u Nunuwu'en Tombulu

⁵⁶ Im wia ni séra ém wéwéhan si Maria tou Magdala, si Maria ina' ni Yakobus wo ni Yusuf wo si ina' né oki' ni Zebedeus.

Matius 27:56 ပူးပေါင်းရင်းမြစ်များ

Matius 13:55

Zéi'kankuaa ni Sia én oki' ni bas kai? Zéi'kankuaa si ina'-Na é makangaran Maria, wo sé katuarina é si Yakobus, si Yusuf, si Yudas wo si Simon?

Matius 27:61

Taan si Maria tou Magdala wo si Maria walina é nimento'la witu, rimumez simaru u lelewengan itii.

Matius 28:1

I limangkoioma un endo Sabat, puunala si endo sumerité in endo kataré witu un duminggu itii, si Maria tou Magdala wo si Maria walina é mamilek u linewengan itii.

Markus 15:47

In toro niitu, si Maria tou Magdala wo si Maria ina' ni Yoses én totoz nima'uma u linewengan si Yesus.

Markus 16:9

In Duminggu im woondo, si Yesus i nimatoumomé sumaup, ni Sia kataré-taré é nimapailek un tou-Na wia si Maria tou Magdala. I makasa si Yesus é nimoho sé sétang pitu im wia ni sia.

Lukas 24:10

Sé wéwéné itii é si Maria tou Magdala, si Yohana wo si Maria ina' ni Yakobus karia né wéwéné walina. Ni séra é nimahwalima i makumua wia sé aatu ni Yesus.

Lukas 8:2

wo kasii sé wéwéné woopira. Sé wéwéné itii é sé winohoan ni Yesus sé sétang simelaz wia ni séra wo sé liné'os-Na im wana a saki néra. Si esa im wia sé wéwéné itii é si Maria tou Magdala, sé sétang méiwohomé im wia ni sia ém pitu.

Yohanes 19:25

Si ina' ni Yesus wo si wéwéné katuari ni ina' ni Yesus, si Maria mahayo ni Klopas wo si Maria tou Magdala é rimendai witu rété u salip ni Yesus.

Yohanes 20:1

In endo kataré witu un duminggu itii, im woondopé' karengan, i rimbengbengpé', si Maria tou Magdala nimangé witi linewengan itii. Ni sia nimilek um watu méipalot u linewengan si Yesus itii é mémoikasoro'.

Yohanes 20:18

A si Maria tou Magdala mangé wo mahkua wia sé pahtuzu'en-Na, “Ni aku é nimileko si Tuang!” wo ni sia kasii é mahkua péléng a méikuamé ni Tuang wia ni sia.