Matius 27:54 - Taaz Weru Witu u Nunuwu'en Tombulu

⁵⁴ Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Matius 27:54 ပူးပေါင်းရင်းမြစ်များ

Matius 26:63

Taan si Yesus é memene-menes uman. A si Walian Wangko' itii kumua kasiima wia ni Sia, “Karia u ngaran ni Opo Empung si menou-nou, ikuamé wia ni kai, apa ni Ko é Mesias, si Oki' ni Opo Empung, kaapa zéi'kan?”

Matius 27:36

A séra rumumezla witu in tuméiz ni Sia.

Matius 27:40

wo mahkua, “É ni Ko si kumemu um Walé ni Opo Empung wo rumendai niitu sumaup witu un teluna endo, sa Ko uli-ulit Oki' ni Opo Empung, tumumpamomé im witu u salip itii wo tulungela un tou-Mu!”

Matius 27:43

Un tou-Na méiéré'-Na wia si Opo Empung wo mahkua i ni Sia én Oki' ni Opo Empung. In tarékan, ilekentamokan sa si Opo Empung sumawang ni Sia.”

Matius 27:51

U roko' méiapé' witi tampa Totoz Lenas witi Walé ni Opo Empung é nimapahzuama witi atas makaz witi wawa'. A méhzo'mé makaz ang kentur watu é nimaweka.

Matius 4:3

A méyé si tonaas né sétang ang kumuama wia ni Sia, “Sa Ko Oki' ni Opo Empung, peréntanoma am watu kenu i mamualima roti.”

Matius 8:5

I si Yesus muntepa witi Kapernaum, a méyé si tonaas né sana atus suraro Romawi i mekitulung wia ni Sia, kuana,

Markus 15:39

I si tonaas né sana atus suraro si rimendai simaru u salip ni Yesus nimileka si Yesus ing kinalekepan én téntu u nimamuali, kuana, “Totoz ulit, si Tou kenu én Oki' ni Opo Empung!”

Lukas 22:70

Tumalingamé niitu, a séra meligau, “Sa téntu, ni Komo wé si Oki' ni Opo Empung?” A si Yesus mingkotla, “Ni kamu in esa sé kimuala sa ni Akumo Sia.”

Yohanes 19:7

Am wingkotela né tou Yahudi itii wia ni sia, “Ni kai ém wéwéhan un ukum Torat wo mengiit an ukum itii ni Sia é léwo'zéi' ukumen i maté. Pahpaan ni Sia éng kimuamola i ni Sia én Oki' ni Opo Empung.”

Kisah Rasul-rasul 10:1

Witi Kaisarea ém wéwéhan si tuama makangaran Kornelius. Ni sia én tonaas né sana atus suraro Romawi nginaranan Italia.

Kisah Rasul-rasul 2:37

In timalingala niitu péléng, ni séra én totoz mene'sel a meligau wia si Petrus wo sé aatu walina, “Katuari-katuari, apa u léwo'zéi' im wangunen nai?”

Kisah Rasul-rasul 21:32

Niitumo, si tonaas né sana riwu suraro itii é rengan i nimahwalima sé surarona wo sé tonaas né sana atus suraro, i mangé witi Walé ni Opo Empung u nimaringka'mo itii. I sé tou lakez nimileka si tonaas né suraro itii wo sé surarona, a sé tou lakez itii kumana'la i mahsondo' si Paulus.

Kisah Rasul-rasul 23:17

A si Paulus tumawahmé si esaané im wia sé tonaas né sana atus suraro ang kumua wia ni sia, “Ipahwalima si tarétumou kenu wia si tonaas niou, pahpaan wéwéhan u léwo'zéi' maikua ni tarétumou kenu wia ni sia.”

Kisah Rasul-rasul 23:23

Kumawusa niitu, si tonaas né sana riwu suraro tumawahmé sé zua tonaas né sana atus suraro ang kumua, “Ipekiimekla sé zuana atus suraro wo sé pituna pulu' suraro menaké kawalo wo sé zuana atus suraro mahali-ali am wengkou, im wengi kenu im woo jam kasiou i mangé witi Kaisarea.

Kisah Rasul-rasul 27:1

In tinotozola i ni kai é léwo'zéi' suméngkot mangé witi Italia, si Paulus wo sé woopira tou walina sé tinionan é méiayola wia si Yulius, si tonaas né sana atus suraro ni Kaisar.

Kisah Rasul-rasul 27:43

Taan si tonaas né sana atus suraro itii é siméro' ni séra i mangun ang ginenang néra, pahpaan ni sia ém paaz in tumulung si Paulus. Am peréntanama sé tou mata'u mengoyou i mahpuunama ing kumonta'ma witi tasik wo moyoua mangé witi katanaan.

Roma 1:4

Wo karia ung kawasa ni Roh Lenas ni Sia é méitoumomé sumaup im wia sé nimaté un tumuzu'mé i ni Siamo si Yesus Kristus Mahpiarata, si Oki' ni Opo Empung si mahkawasa.

Wahyu 11:13

In toro niitu, a méhzo'mé totoz repet. U sana pahpulu' um wanua tua'na itii é nimakemu, wo sé pituna riwu tou é nimaté pahpaan un éhzo' itii. Sé tou walina én totoz maindé', a séra mahsigi' wo mahlooz si Opo Empung si witi kasendukan.