Matius 27:40 - Taaz Weru Witu u Nunuwu'en Tombulu

⁴⁰ wo mahkua, “É ni Ko si kumemu um Walé ni Opo Empung wo rumendai niitu sumaup witu un teluna endo, sa Ko uli-ulit Oki' ni Opo Empung, tumumpamomé im witu u salip itii wo tulungela un tou-Mu!”

Matius 27:40 ပူးပေါင်းရင်းမြစ်များ

Matius 16:4

Sé tou léwo' wo zéi'kan ezen in tarékan é mahaléi wia ni Aku i mapaileka u makakompo'en, un tumuzu'mé i ni Aku ém wia si Opo Empung a méyé. Taan ni séra én zéi'kan mahile-ilekla u makakompo'en, akaz uman u makakompo'en nimamuali wia si nabi Yunus.” Makakuama niitu, a séra itula'uma ni Yesus.

Matius 26:61

ang kumuama, “Si Tou kenu i makasa éng kimua i ni Sia én toro gumogar um Walé ni Opo Empung wo rumendai niitu sumaup witu un teluna endo.”

Matius 27:41

Sé tonaas né walian, sé tou tulap un Torat wo sé pahtutu'an né tou Yahudi kasii é mahséro' wia si Yesus wo mahkua,

Matius 27:42

“Sé tou walina én tinulung-Na, taan un tou-Na in esa én zéi'kan katulungan-Na! Sa ni Sia éng Kolano né tou Israel, iwayamola Sia in tumumpamé witu u salip itii, karia in téntu ni kai é ma'éman wia ni Sia.

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Matius 4:3

A méyé si tonaas né sétang ang kumuama wia ni Sia, “Sa Ko Oki' ni Opo Empung, peréntanoma am watu kenu i mamualima roti.”

Matius 4:6

Ang kuan ni tonaas né sétang wia ni Sia, “Sa Ko Oki' ni Opo Empung, mapanawu'moma, pahpaan méipantik witu Pinantik Lenas in téntii, ‘Tumoro ni Ko, si Opo Empung é meréntamé sé malaekat-Na i mésumikop ni Ko wo un a'é-Mu én zéi'kan ikawasal witu um watu.’ ”

Lukas 16:31

Ang kuan ni Abraham wia ni sia, ‘Sa zéi'kan pahtalingan néra a méipahkua ni Musa wo né nabi, ni séra kasii é soo ma'éman, zozo'pé' si tou nimatémo an itoumé sumaup im wia sé nimaté si mahkua niana.’ ”

Wahyu 11:10

Sé tou wia ung kaayahan én totoz mahpaa-paaz, pahpaan sé tou zua itii é nimatémo. Sé tou itii é mahpésta wo mahsasawelan ang kukulu, pahpaan sé zua nabi itiimo sé im puuna nimangun sé tou wia ung kaayahan totoz nimazéha-zéhama.