Matius 27:35 - Taaz Weru Witu u Nunuwu'en Tombulu

³⁵ Kumawusa ni Sia i méisalip nérala, ung karai-Na ém pinemété-météng nérala karia i simawut lot.

Matius 27:35 ပူးပေါင်းရင်းမြစ်များ

Lukas 23:34

[A si Yesus kumua, “Ama', ampungan ndootuumé séra pahpaan zéi'kan kata'uan néra am pahmualin néra.”] A séra sumawut u lot i mahwéwéténg ung karai-Na.

Yohanes 20:20

Makakuama niitu, an ipapailek-Nama u lengen-Na wo um wentuhan-Na wia ni séra. Sé pahtuzu'en-Na itii é mahpaa-paaz i ni séra nimileka si Tuang.

Yohanes 20:25

Niitumo, sé pahtuzu'en walina éng kimua wia ni sia, “Ni kai é nimileko si Tuang!” Taan si Tomas éng kimuala wia ni séra, “Sa zéi'kampé' niilekula um walulangna um pinakuan witu u lengen-Na wo timeptepa un tutundu'ku witu um walulang um pinakuan itii, wo sa zéi'kampé' timeptepla un tutundu'ku witu um wentuhan-Na, ni aku én zéi'kampé' ma'éman.”

Yohanes 20:27

A Sia kumuala wia si Tomas, “Iteptepé un tutundu'mu wia'i wo ilekenola u lengen-Ku. Iayomé u lengenmu wo iteptepé un tutundu'mu witu u wentuhan-Ku wo tia'mo kasii ni ko zéi'kan ma'éman taan ma'émanola.”

Kisah Rasul-rasul 2:23

Si Yesus si méiayola ni Opo Empung wia ni kamu mengiit un tinotoz wo ung ginenang-Na é sinalip wo winunu' niouola, mengiité sé tou sé mahsaru si Opo Empung.

Kisah Rasul-rasul 4:10

ni kamu wo péléng sé tou Israel é léwo'zéi' i mata'ula, i si tou lailai makarendai witu u sinaru niou kenu é nimalé'osa karia ung kawasa u ngaran ni Yesus Kristus, si tou Nazaret si sinalip niouola itii taan méitoumomé sumaup ni Opo Empung im wia sé nimaté.