Matius 27:31 - Taaz Weru Witu u Nunuwu'en Tombulu

³¹ Kumawusa Sia im pahséro'an néra, wuka nérala ung karai tonton méikarai wia ni Sia ang karaian nérala sumaup ung karai-Na. A Sia iondol nérama i maisalip.

Matius 27:31 ပူးပေါင်းရင်းမြစ်များ

Matius 20:19

Ni Sia én iayo néra wia sé tou zéi'kan Yahudi i séro'an néra, saluken wo salipen, taan witu un endo katelu ni Sia én itou sumaup ni Opo Empung.”

Matius 21:39

A sia tionan nérala an ilombo' nérama méiondolé im witu un uma itii, am wunu'en nérala.”

Matius 26:2

“Kata'uan niouo, zuana endomokan é lumé'oso un endo mahpésta pahkuan Paskah, wo si Oki' ni Tou é maiayo i salipen.”

Markus 15:20

Kumawusa Sia im penéro-néro'an néra, am wuka nérala ung karai tonton monong kinarai-Na, ang karaian nérala sumaup ung karai-Na. A Sia iondol néramé i masalipen.

Yohanes 19:16

Ing kamurian si Pilatus nimayola si Yesus wia ni séra i salipen. Angé néramé si Yesus an ipahwali nérama Sia i salipen.

Yohanes 19:27

Tumondong niitu Sia kumuama wia si pahtuzu'en-Na, “Kenumo si ina'mu!” Rengané in toro niitu si ina' ni Yesus é méipahwalima witi walé ni pahtuzu'en-Na itii.

Kisah Rasul-rasul 7:58

Ni sia éng kinéhong néramé an iondolé im witi wanua tua'na am weriten néra karia am watu. Sé tou nimilek niitu é nimukala ang karai tonton néra an izeta'la witu u sinaru ni tarétumou makangaran Saulus.

Ibrani 13:12

Tanu sé tatamun ém pahtunun witi ondol tampa rinendaian né tou Israel an ténda, si Yesus kangkasii é nimazézéha witi ondolé u Yerusalem i lumenas sé tou-Na karia un zaha'-Na in esa.