Matius 27:24 - Taaz Weru Witu u Nunuwu'en Tombulu

²⁴ I si Pilatus nimilekla in zéi'mo siapa un toro wangunenna, taantaré mahrikoka'moma, sia méndomé un zano an zumanola witu u saru-sarun né tou lakez, ang kumuama, “Ni aku én zéi'kan siapa sinala' im witu un zaha' ni tou kenu, ni kamu sé mamengali niitu!”

Matius 27:24 ပူးပေါင်းရင်းမြစ်များ

Matius 26:5

Taan kuan néra, “Ni Sia én tia'mo pahtitionan witu un endo i mahpésta, én taa sé tou rumikoka'.”

Matius 27:19

Karegaspé' si Pilatus rimumez witu u rurumezan pahtotozan ulit kaapa zéi'kan am pahwangunen né tou, a si mahayona matumé tou i mékumua wia ni sia in téntii, “Ni ko én tia'mo mahkari-karia sé tou sé mahtoké si tou ulit itii. Pahpaan ni aku én totoz zézéha i nima'ipila si tou itii ing kawengi.”

Matius 27:23

Ang kuana, “Taan apa a léwo'an winangun-Na?” Taan ni séra éng karimezna uman taré i mahkérété, “Salipenola Sia!”

Matius 27:4

Kuana, “Ni aku é simingkéla'mola pahpaan nimayo un zaha' ni tou zéi'kan siapa sinala'.” Taan ni séra é nimingkotla, “Azimu! Niitu én zéi'kan kata'uan nai!”

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Matius 27:9

Karia in téntu é nimalekepola u méikua ni nabi Yeremia, ‘Ni séra é nimakailekla un teluna pulu' zoit péra', un teteles tinotoz né tou Israel in iteles ni Sia.

Yohanes 13:9

Kuan ni Simon Petrus wia ni Sia, “Tuang, sa téntu, tia' un a'éku uman, taan maan u lengen wo un uluku!”

Yohanes 19:4

A mondol kasiima si Pilatus wo mahkua, “Ilekenola, ni Sia méiondolkumé wia ni kamu, wo toro kata'uan nioua i ni aku én zéi'kan nimilekla u sinala' zozo' in esa im wia ni Sia.”

Kisah Rasul-rasul 3:14

Ni kamu nimahaléila wia si gubernur i milot si memumunu' tou. Taan ni Sia si Lenas wo Ulit é méikasoo niouola.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.