Matius 27:23 - Taaz Weru Witu u Nunuwu'en Tombulu

²³ Ang kuana, “Taan apa a léwo'an winangun-Na?” Taan ni séra éng karimezna uman taré i mahkérété, “Salipenola Sia!”

Matius 27:23 ပူးပေါင်းရင်းမြစ်များ

Matius 27:22

Ang kuan ni Pilatus wia ni séra, “Sa téntu, apa u léwo'zéi' im wangunengku wia si Yesus, si pahkuan ing Kristus?” Ni séra péléng éng kimérété, “Salipenola Sia!”

Matius 27:24

I si Pilatus nimilekla in zéi'mo siapa un toro wangunenna, taantaré mahrikoka'moma, sia méndomé un zano an zumanola witu u saru-sarun né tou lakez, ang kumuama, “Ni aku én zéi'kan siapa sinala' im witu un zaha' ni tou kenu, ni kamu sé mamengali niitu!”

Lukas 23:4

Ang kuan ni Pilatus wia sé tonaas né walian karia né tou lakez witu, “Zozo' in esa én zéi'kan siapa ung kasumalaan niilekku wia si Tou kenu.”

Kisah Rasul-rasul 13:28

Zozo' ni séra zéi'kan méikailek un toro maéndo kawalian i munu' ni Sia, taan ni séra nimenutu'la wia si Pilatus i munu' ni Sia.

Kisah Rasul-rasul 23:10

A sé sana réwok tou Farisi wo Saduki kalousnamo i mahzéi-zéi'an, makaz si tonaas né suraro é maindé'mo én taa si Paulus léndongan nérama. Niitumo, ni sia nimeréntama sé surarona in timumpama i mangémé si Paulus im witu un unez né tou lakez itii wo mahwalima ni sia witi pahento'an mahwali-wali né suraro.

Kisah Rasul-rasul 7:57

Tumalingamé niitu, sé tou witu é rengan i mengéré-ngérét karia i nimalotla a lunteng néra. Ni séra nimahwalima ing kimara'ma i matumion si Stefanus.