Matius 26:63 - Taaz Weru Witu u Nunuwu'en Tombulu

⁶³ Taan si Yesus é memene-menes uman. A si Walian Wangko' itii kumua kasiima wia ni Sia, “Karia u ngaran ni Opo Empung si menou-nou, ikuamé wia ni kai, apa ni Ko é Mesias, si Oki' ni Opo Empung, kaapa zéi'kan?”

Matius 26:63 ပူးပေါင်းရင်းမြစ်များ

Matius 16:16

A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Matius 26:62

A rumendaié si Walian Wangko' itii ang kumua wia si Yesus, “Zéi'kan siapa ikua-Ko wé ing kumelung un tou-Mu wana an ipahtoké néra kenu?”

Matius 27:12

Taan i sé tonaas né walian wo sé pahtutu'an né tou Yahudi mahkua an totoké néra wia si Yesus, ni Sia én zéi'kan nimingkotla.

Matius 27:14

Taan si Yesus é memene-menes uman, taka-takazan si gubernur itii é mengusi-ngusingsing.

Matius 27:40

wo mahkua, “É ni Ko si kumemu um Walé ni Opo Empung wo rumendai niitu sumaup witu un teluna endo, sa Ko uli-ulit Oki' ni Opo Empung, tumumpamomé im witu u salip itii wo tulungela un tou-Mu!”

Matius 27:43

Un tou-Na méiéré'-Na wia si Opo Empung wo mahkua i ni Sia én Oki' ni Opo Empung. In tarékan, ilekentamokan sa si Opo Empung sumawang ni Sia.”

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Matius 4:3

A méyé si tonaas né sétang ang kumuama wia ni Sia, “Sa Ko Oki' ni Opo Empung, peréntanoma am watu kenu i mamualima roti.”

Markus 14:61

Taan si Yesus é memene-menes uman, ni Sia én zéi'kan nimingkotla apa. A si Walian Wangko' itii lumigau kasiila wia si Yesus, “Apa ni Ko é Mesias, si Oki' ni Opo Empung, Si Pahloozen?”

Yohanes 1:34

Ni aku é nimileko ni Sia wo kumuama u niilekku, ‘Ni Siamo si Oki' ni Opo Empung.’ ”

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 10:24

A sé tou Yahudi rumimbungla wia ni Sia a mahkua wia ni Sia, “Makaz sawisa ni kai iwaya-Mu i mahzua-zua genang? Sa ni Ko é Mesias, ipakaulitomé wia ni kai.”

Yohanes 10:30

Ni Aku wo si Ama'-Ku én esa.”

Yohanes 10:36

kaa ni kamu mahkua ni Aku mahséro' wia si Opo Empung pahpaan mahkua ni Aku én Oki' ni Opo Empung? Ni Aku ém pinéléng ni Ama' wo nimatumé ni Aku i méyé wia ung kaayahan.

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 19:7

Am wingkotela né tou Yahudi itii wia ni sia, “Ni kai ém wéwéhan un ukum Torat wo mengiit an ukum itii ni Sia é léwo'zéi' ukumen i maté. Pahpaan ni Sia éng kimuamola i ni Sia én Oki' ni Opo Empung.”

Yohanes 19:9

A sia muntepa sumaup witi istanana. I si Yesus méipahwalimomé i nimuntepé, a si Pilatus kumuama wia ni Sia, “Wisa Ko a méyé wé?” Taan si Yesus zéi'kan nimingkotla.

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 6:69

wo ni kai é ma'émano wo mata'u i ni Komo Si Lenas wia si Opo Empung a méyé.”

Yohanes 8:25

Ang kuan néra wia ni Sia, “Séi Ko wé?” Kuan ni Yesus wia ni séra, “Rengané ing kataré é mémoikua-Kula wia ni kamu.

2 Korintus 1:19

Pahpaan, si Yesus Kristus, si Oki' ni Opo Empung si méipahwoka'ku karia ni Silwanus wo ni Timotius wia ni kamu én zéi'kan mahkua ‘éné’ wo witu ung ginenang én ‘zéi'kan’. Taan im wia ni Sia én akaz uman mahkua ‘éné’.

1 Petrus 2:23

I ni Sia ipahsalou né tou, ni Sia én zéi'kan mahwingkot karia a sasalou. I ni Sia nimendan an zézéha, ni Sia én zéi'kan timaaz i maér, lumousé niitu un tou-Na é méiwéhé-Nala wia si Opo Empung, si zéi'kan mahsanaweka i mahtotoz ulit kaapa zéi'kan am pahwangunen né tou.