Matius 26:58 - Taaz Weru Witu u Nunuwu'en Tombulu

⁵⁸ Karegas niitu, si Petrus é mengii-ngiité si Yesus witi zou'ma makaz witi lésaz um walé ni Walian Wangko'. I ni sia nimuntepola witu u lésaz itii, ni sia é marimumez karia né menénéiz um walé ni Opo Empung i mahiilek kura u mamuali wia si Yesus.

Matius 26:58 ပူးပေါင်းရင်းမြစ်များ

Matius 26:3

In toro niitu, sé tonaas né walian wo sé pahtutu'an né tou Yahudi é nimaréwok witi istana ni Walian Wangko' makangaran Kayafas.

Matius 5:25

Sa wéwéhan si nimasingkutan kariamu, malé'osanola i ni kamu zéi'kampé' taré méikaayoma wia si menonotoz ulit kaapa zéi'kan am pahwangunen né tou. Wo ni ko zéi'kan iayona wia si menonotoz itii, wo si menonotoz itii zéi'kan mayo ni ko wia sé suraro mahtéiz wia ni sia, wo ni ko zéi'kan iuntep né suraro itii witi bui.

Lukas 22:54

A si Yesus tionan nérama an iondolé witi tampa itii. Ipahwali nérama Sia witi walé ni Walian Wangko'. Karegas niitu si Petrus é mahkiita zozo' in zou'ma oki'.

Yohanes 18:25

Si Simon Petrus é rimendaipé' witu i mahrarang. Ang kuan né tou witu wia ni sia, “Zéi'kankuaa ni ko kangkasii én esaané wia sé pahtuzu'en-Na?”

Yohanes 19:6

I si Yesus niilekla né tonaas né walian karia né menénéiz um Walé ni Opo Empung, ni séra é mahkérét, “Salipenola Sia, salipenola Sia!” Ang kuan ni Pilatus wia ni séra, “Éndonoma Sia wo kiitola um paaz niou i sumalip ni Sia, pahpaan zozo' in esa én zéi'kan siapa u sinala' kinailekangku im wia ni Sia.”

Yohanes 7:32

Sé sana réwok tou Farisi mahtalinga sé tou lakez mahkekewitan tumoro si Yesus. Pahpaano niitu sé tonaas né walian wo sé sana réwok tou Farisi nimatuma sé menénéiz um Walé ni Opo Empung in tumion ni Sia.

Yohanes 7:45

A sé menénéiz um Walé ni Opo Empung sé méiatuma in tumion si Yesus, mawurimé wia sé tonaas né walian wo wia sé sana réwok tou Farisi. Ni séra é meligau wia sé menénéiz itii, “Kaa Sia zéi'kan méiwali nioué?”

Kisah Rasul-rasul 5:22

Taan i sé tou méiatuma né Mahkama Agama méikaayola witi bui, sé zua aatu ni Yesus itii én zéi'mo witu. Séra mawurimé a mékumua,

Kisah Rasul-rasul 5:26

Kaitalingamé niitu, a mangé si tonaas né menénéiz um Walé ni Opo Empung karia né touna, i mangémé sé aatu ni Yesus witi lésaz um Walé ni Opo Empung. Taan ni séra i nimangémé éng karia i lé'o-lé'os uman pahpaan maindé' én taa séra weritené né tou lakez karia am watu.