Matius 26:28 - Taaz Weru Witu u Nunuwu'en Tombulu

²⁸ Pahpaan ung kenumo un zaha'-Ku, un zaha' nimenté' um pinataazan ni Opo Empung, un isaroi wia sé tou lakez i méhé un ampungan wana a singkéla' néra.

Matius 26:28 ပူးပေါင်းရင်းမြစ်များ

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Matius 26:27

Tumondong niitu, a Sia méndomé um pengengelepan un tinahu'an anggor, kumuama u makasé wia si Opo Empung, an iwéhé-Nala wia ni séra ang kumua, “Ni kamu péléng é melepola witu um pengengelepan kenu.

Matius 26:29

Taan, ikua-Kuma wia ni kamu, ni Aku én zéi'mo mahele-elepla un anggor kenu, makaz witu un endo ni Aku i melep un anggor weru karia niou witi Kakolanoan ni Ama'-Ku.”

Matius 6:12

wo ampungané ni kai im wana ang kasumalaan nai tanu ni kai kangkasii i niméhéla un ampungan wia sé tou nimangunla ang kasumalaan wia ni kai;

Markus 1:4

Si tou méiatumé ni Opo Empung itii é Yohanes Menanarani. Ni sia ém witi kapelasan wo mahwoka' wia péléng sé tou, ‘Itula'umola a singkéla' niou wo iwéhémola un tou niou i saranin wo a singkéla' niou ampungan ni Opo Empung.’

Markus 14:24

Ang kuan-Na wia ni séra, “Ung kenumo un zaha'-Ku, u nimenté' um pinataazan ni Opo Empung, un isaroi wia sé tou lakez.

Lukas 22:19

A Sia méndomé u roti, kumuama u makasé wia si Opo Empung, pemété-météngen-Nala u roti itii, ipahwéhé-Nama wia ni séra, ang kuan-Na, “Ung kenumo un awak-Ku u méiayo wia ni kamu; pahwangunela niia ing gumenang ni Aku.”

Lukas 22:20

Téntu kangkasii um winangun-Na i nimakaapumola. Ni Sia niméndomé um pengengelepan tinahu'an un anggor ang kumua, “Um pengengelepan kenu ém pinataazan weru ni Opo Empung u nienté' karia un zaha'-Ku, un isaroi wia ni kamu.

Roma 5:15

Taan un tatambér ni Opo Empung én zéi'kan masuat karia a singkéla' ni Adam. Pahpaan u singkéla' ni Adam é nimangun sé tou lakez nimaté, taan u lumouspé'mé ung kawangko'na é raraatéan ni Opo Empung wo un tatambér méiwéhé-Na wia sé tou lakez pahpaan si tou esa, ni Siamo si Yesus Kristus.

Roma 5:19

Pahpaan tanu si tou esa zéi'kan mahtali-talinga, lakez sé tou nimangun a singkéla', téntu kangkasii pahpaan si tou esa mahtali-talinga wia si Opo Empung, lakez sé tou niéndo ulit ni Opo Empung.

1 Korintus 11:25

Téntu kangkasii, makaapula séra, a Sia méndomé um pengengelepan tinahu'an un anggor ang kuan-Na, “Um pengengelepan kenu ém pinataazan weru u nienté' karia un zaha'-Ku. Pahwangunela niia sekez ni kamu melep tanu niia, ing gumenang ni Aku.”

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Kolose 1:14

Si Oki'-Na itiimo si timubus ni kita karia i niméhé un ampungan wana a singkéla'ta.

Kolose 1:20

Wo mengiité ni Sia, si Opo Empung nimangun péléng am wia ung kaayahan wo am witi kasendukan é nimalé'osan karia-Na. Si Opo Empung nimangun niitu karia un zaha' ni Kristus u méikasaroi i ni Sia sinalip makaz nimaté.

Ibrani 10:29

Tantumo lumouspé'mé ung kawutezna un ukuman wia si tou mahséro' wia si Oki' ni Opo Empung wo mahgenangla un zaha' ni Yesus Kristus u lumenas sé tou én zéi'kan siapa torona wo mahséro' wia si Roh si mahtambéré ang kamang.

Ibrani 13:20

In tarékan si Opo Empung si mahwéhémé ung kaluasan witu un até én timoumomé sumaup si Yesus im wia sé nimaté. Si Yesus si Mahpiarata ém winangun ni Opo Empung i maéndo menanatér sé tou-Na, si totoz wangko', tanu si memimiara sé domba, si totoz pahsigi'en. Wo un zaha'-Na é nimangun um pinataazan ni Opo Empung karia né tou makaz ing kauré-uré.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

1 Yohanes 2:2

Ni Sia nimaté nimaéndo raragés, wo a singkéla'ta én ampungan. Zéi'kan uman a singkéla'ta, taan maan a singkéla' péléng né tou sé wia ung kaayahan.

Wahyu 7:14

Am wingkotengkula, “Zéi'kan ndo'tuu kata'uangku tuang, ni ko in esa si mata'u ni séra.” Ang kuana wia ni aku, “Ni séramo sé limangkoiomé wana an zézéha zéi'mo kakuaan. Wo karia un zaha' ni Anak ni Domba, ni séra kimemesoma ung karai tonton néra makaz nimakulo'.

Wahyu 7:9

Kumawusa niitu, ilekengkuma sé sana réwok tou totoz lakez sé zéi'mo karékénan. Ni séra ém wia péléng sé tahsasana wanua, tahsasana suzu, tahsasana réwok mahtuari, wo sé tahsasana nunuwu'en. Ni séra péléng é rimendai witu sinaru u rurumezan ni Kolano wo witu sinaru ni Anak ni Domba, kimarai ang karai tonton kulo', timion am pala'pa'na am palem.