Matius 26:26 - Taaz Weru Witu u Nunuwu'en Tombulu

²⁶ Karegas séra i mahkan, si Yesus méndomé u roti ang kumuama u makasé wia si Opo Empung, pemété-météngen-Nala u roti itii an ipahwéhé-Nama wia sé pahtuzu'en-Na ang kumua, “Éndonoma, kanenola, ung kenumo un awak-Ku.”

Matius 26:26 ပူးပေါင်းရင်းမြစ်များ

Matius 14:19

A sé tou lakez itii pekirumez-Nala wana an zukut. Éndo-Namé u roti lima wo sé seza' zua itii, Sia lumoho'ma witi langit ang kumuama u makasé wia si Opo Empung. Am pemété-météngen-Nama a roti itii an iwéhéma wia sé pahtuzu'en-Na. Am peméténg nérama wia sé tou lakez.

Matius 26:27

Tumondong niitu, a Sia méndomé um pengengelepan un tinahu'an anggor, kumuama u makasé wia si Opo Empung, an iwéhé-Nala wia ni séra ang kumua, “Ni kamu péléng é melepola witu um pengengelepan kenu.

Markus 6:41

Kumawusa niitu si Yesus méndomé a roti lima wo sé seza' zua, a Sia lumoho'ma witi langit ang kumuama u makasé wia si Opo Empung, am pemété-météngen-Nama a roti itii an iwéhé-Nama wia sé pahtuzu'en-Na in iwéténg néra wia sé tou. Téntu kangkasii sé seza' zua itii é méipeméténg-Nama wia ni séra péléng.

Lukas 22:17

A si Yesus méndomé un eelepan tinahu'an anggor ang kumua u makasé wia si Opo Empung, ang kuan-Na, “Éndona ung kenu wo wéténg nioula.

Lukas 24:30

I si Yesus rimumezola ing kuman karia néra, Sia méndomé u roti, kumuama u makasé wia si Opo Empung, pemété-météngen-Nala an iwéhé-Nama wia ni séra.

Kisah Rasul-rasul 2:46

Wo sekez in endo ni séra én zéi'kan kumana' i meréwo-réwok witi Walé ni Opo Empung wo ni séra én esa genang. Um walé ni esa wo ni esa é mahsasawel im pahangéan néra i mahkan mahwali-wali karia i mahpaa-paaz wo ung genang lé'os.

Kisah Rasul-rasul 20:7

In endo kataré witu un duminggu itii, i ni kai nimaréwok mahwali-wali i memété-météng u roti ing kanen, si Paulus é mahnuwu' wia sé katuari esa pa'émanen witu makaz im wengi uré. Pahpaan ni sia éng gimenang i mangémo i masandomé.

1 Korintus 10:4

Wo kasii ni séra péléng mahelep an ipahwéhémé ni Opo Empung. Niitumo, um pahelepen néra é masuat. Un zano pahelepen néra én ipahondolé ni Opo Empung wana ung kentur watu u mahwali-wali karia néra. Ung kentur watu itii é si Kristus.