Matius 26:18 - Taaz Weru Witu u Nunuwu'en Tombulu

¹⁸ A mingkotla si Yesus, “Mangémo witi wanua tua'na wia si tou wo ikuala wia ni sia in téntii, ‘Kuan ni Méster: Un oras-Ku én zéi'mo uré, witu un untep um walémumo ung kanenang-Ku karia né pahtuzu'eng-Ku i lumé'os um Paskah.’ ”

Matius 26:18 ပူးပေါင်းရင်းမြစ်များ

Matius 21:3

Sa wéwéhan si suméro'la ni kamu, kumuamola in téntii, ‘Si keledai kenu ém pemandungen ni Tuang wo ikii-kiit iwuri-Namokané sumaup.’ ”

Matius 23:10

Tia' kamu pahkuan in ‘tonaas’, pahpaan si Tonaas niou én esa uman, ni Siamo si Mesias.

Matius 23:8

Taan ni kamu, tia' ipahwaya niou sé tou mahtawah ni kamu i ‘méster’! Pahpaan si Méster niou én esa uman wo ni kamu péléng é mahtuari.

Matius 26:19

Am wangunela né pahtuzu'en-Na tanu u méikuama ni Yesus wia ni séra. A séra mimekla i lumé'os um Paskah.

Matius 26:2

“Kata'uan niouo, zuana endomokan é lumé'oso un endo mahpésta pahkuan Paskah, wo si Oki' ni Tou é maiayo i salipen.”

Matius 26:49

I ni séra nimawitumola, a si Yudas rengan nimangé wia si Yesus ang kumua, “U sigi'ku Méster!” A Sia siomennama.

Markus 5:35

Karegaspé' si Yesus i mahnuwu', a méyé si tou witi walé ni Yairus ang kumuama, “Si kooki'mu é nimatémo. Apapé' un torona ni ko i merau-raung si Méster?”

Lukas 22:53

Sekez in endo ni Aku é mahkaria-karia ni kamu witi lésaz um Walé ni Opo Empung, taan ni Aku zéi'kan pahtitionan niou. Taan in tarékano un oras niou in tumion ni Aku wo un orasna si tonaas né sétang si mahkawasa wana ang karimbengbengan ing kumawasa.”

Yohanes 11:28

I si Marta makakuala un téntu, a sia matumawahmé si Maria totoz katuarina ang kumewitla wia ni sia, “Si Méster ém witi kenuma wo ni Sia é menawah ni ko.”

Yohanes 12:23

Ang kuan ni Yesus wia ni séra, “In tarékano un orasna si Oki' ni Tou i loozen wo sigi'en.

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 17:1

I nimakakuamola niitu, a si Yesus lumoho'ma witi langit ang kumua, “Ama', in tarékan é méikaayomola witu un oras tinotoz-Mu. Ipapaileka ung kawangko'ang-Ku in Oki'-Mu. Karia in téntu ni Aku kangkasii é mapailek ung kawangko'an-Nu.

Yohanes 20:16

Kuan ni Yesus wia ni sia, “Maria!” A luméngéhma si Maria wia ni Sia karia i mahkua wia ni Sia witu ung kukuan Ibrani, “Rabuni!”, ung kalakoana é Méster.

Yohanes 7:30

A séra mahtututu' in tumion ni Sia, taan zéi'kan siapa zozo' in esa si timiona wia ni Sia, pahpaan zéi'kampé' orasna.

Yohanes 7:6

A si Yesus kumuala wia ni séra, “In tarékan én zéi'kampé' oras-Ku i mangé witi Yerusalem, taan wia ni kamu sekezé ém wéwéhan un orasna.

Yohanes 7:8

Mangémo kamu witi pésta itii. Ni Aku én zéi'kan mangé witu, pahpaan in tarékan én zéi'kampé' oras-Ku i mangé witu.”