Matius 25:34 - Taaz Weru Witu u Nunuwu'en Tombulu

³⁴ Tumondong niitu, si Kolano éng kumua wia sé tou witu ung kakan-Na in téntii, ‘Méyémo, é kamu sé kinamango ni Ama'-Ku. Muntepomé witu ung Kakolanoan u niimeko wia ni kamu rengané ung kaayahan kenu im winangun.

Matius 25:34 ပူးပေါင်းရင်းမြစ်များ

Matius 13:35

Karia in téntu, nimalekepola u Nuwu' ni Opo Empung mengiité si nabi in téntii, “Ni Aku i mahnuwu' wia sé tou lakez éng karia un aandéan. Ni Aku éng kumua a méikawunipé' rengané ung kaayahan kenu im winangun-Ku.”

Matius 19:29

Séi uman si pahpaan mahkiit ni Aku timula'umé um waléna, sé katuarina tuama kaapa sé katuarina wéwéné, si ama'na kaapa si ina'na, sé oki'na kaapa an umana, ni sia é makailek sumaup u makasana atusé wo kasii makailek ung katou-touan makaz ing kauré-uré.

Matius 20:23

Ang kuan ni Yesus wia ni séra, “Totoz ulit, ni kamu é mamendan an zézéha un tanumokan i melep witu un eelepan u léwo'zéi' in elepeng-Ku. Taan tumoro séi sé marumumez witu ung kakan kaapa witu ung kawihi-Ku, ni Aku én zéi'kan siapa kawasa in tumotoz niitu. U rurumezan itii é maiwéhé ni Ama'-Ku wia sé tinotoz-Namo i makailek niitu.”

Matius 21:5

“Ikuamola wia sé tou witi Sion: Ilekena, si Kolano niou é mahéyémo wia ni kamu. Ni Sia én eluz uman wo simaké wia si keledai, si anak ni keledai peranggangpé'.”

Matius 25:21

Ang kuan ni tuangna wia ni sia, ‘Totoz wangun um winangunmula itii. Ni ko én ata lé'os wo toro pa'émanen. Ni ko én toro pa'émanen i mahpaayang ang kori', niitumo ni ko én tarawésaangku u lumouspé'mé niitu. In tarékan muntepomé wo méyémo i mahpaa-paaz kariaku!’

Matius 25:23

Ang kuan ni tuangna itii wia ni sia, ‘Totoz wangun um winangunmu itii. Ni ko én ata lé'os wo mahtali-talinga. Pahpaan ni ko én toro pa'émanen i mahpaayang ang kori', ni ko én tarawésaangku u lumouspé'mé niitu. Niitumo in tarékan, muntepomé wo méyémo i mahpaa-paaz kariaku.’

Matius 25:40

Si Kolano itii é mingkot wia ni séra in téntii, ‘Uli-ulit ikua-Kuma wia ni kamu, péléng am winangun niouola wia si esaané im wia sé katuari-Ku sé totoz roros kenu, niitu ém winangun niouola wia ni Aku.’

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 27:37

Witu un atas un ulu-Na ém pinakuan um papang pinantikan ung kinawalian ni Sia i niukum: “Si kenumo si Yesus, si Kolano né tou Yahudi”.

Matius 3:2

“Itula'umola a singkéla' niou, pahpaan ung Kakolanoan ni Opo Empung é lelezokan!”

Matius 5:19

Ni- itumo, séi si zéi'kan nimangun un esaané im wana an tinotoz witu un ukum Torat itii, zozo' in totoz kori' uman, wo mahtuzu' sé tou walina i mahwangun tanu um pahlé'osenna, ni sia é makailek un tampa totoz roros im witi Kakolanoan ni Opo Empung. Taan séi si mahwangun wo mahtuzu' péléng a méipantik itii wia sé tou walina, ni sia é makailek un tampa rakék witi Kakolanoan ni Opo Empung.

Markus 10:17

I si Yesus mahlampango, a méyé si tou mengara'mé i mémahilekan karia-Na, wo karia ing kimuruzla witu u saru-sarun-Na, si tou itii é meligau, “Méster lé'os, apa u léwo'zéi' wangunengku i makailek ung katou-touan makaz ing kauré-uré?”

Markus 10:40

Taan séi si marumumez witu ung kakan wo ung kawihi-Ku én zéi'kan kawasa-Ku in tumotoz niitu. Niitu én iwéhé wia sé tinotozo i marumumez witu.”

Lukas 11:28

Taan kuan ni Yesus, “Si mahpaa-paaz é si tou mahtalinga wo mahwangun u Nuwu' ni Opo Empung.”

Lukas 11:50

Niitumo, si Opo Empung é mukum sé tou in tarékan, pahpaan sé nabi winunu' rengané ung kaayahan kenu im winangun ni Opo Empung.

Lukas 12:32

Ni kamu én toyo' uman! Taan zozo'pé' in téntu, ni kamu én tia'mo maindé'. Pahpaan si Ama' niou si witi kasendukan é mahpaa-paaz i ni kamu nimaéndomo tou witi Kakolanoan-Na.

Lukas 19:38

Kuan néra, “Loozen ni Sia si méyé ing Kolano karia u ngaran ni Opo Empung, in tarékan sé tou mahlé'o-lé'osano karia ni Opo Empung witi kasendukan, u sigi' wo u looz witi tampa totoz rakék!”

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 12:13

ni séra mahéndomé an zani'na am palem a masumungkul ni Sia, karia i mahkérét, “Hosana! Loozela ni Sia si niméyé karia u ngaran ni Opo Empung, si Kolano né Israel!”

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Yohanes 19:15

A séra mahkérét, “Wunu'enola Sia! Wunu'enola Sia! Salipenola Sia!” Ang kuan ni Pilatus wia ni séra, “Paaz kamu wé sa si Kolano niou salipengku?” Ang kuan né tonaas né walian, “Si Kolano nai én esa uman, ni siamo si Kaisar!”

Kisah Rasul-rasul 15:18

u mémoipapata'u rengané im puuna.’

Kisah Rasul-rasul 3:26

Niitumo, si Opo Empung ing kataré-taré én timoumé sumaup si Ata-Na an iatu-Nama i mangé wia ni kamu, wo ni Sia kumamang ni kamu karia i nimangun ni kamu timula'ula péléng a singkéla' niou, a mawuri sumaup wia si Opo Empung.”

Roma 8:17

Sa ni kita én oki'-Na, ni kita kangkasii é maéndo tou makasangkum a méitaaz ni Opo Empung. Ni kita é makailek a sangkum itii karia ni Kristus. Niitu éng kailekanta sa ni kita mazéha karia-Na, wo ni kita kangkasii é loozen wo sigi'en karia-Na.

1 Korintus 15:50

Katuari-katuari, kenu un ikuaku wia ni kamu: Un awakta in tarékan én zaha' wo lé'ona u maléwo'. Niitumo, ni kita én zéi'kan toro muntep witi Kakolanoan ni Opo Empung ing Kolano. Un awakta u maléwo' én zéi'kan toro muntep witu pahpaan im witu én zéi'kan siapa a maléwo'.

1 Korintus 2:9

Tanu u méipantik witu um Pinantik Lenas, in téntii, “Un zéi'kampé' pinahile-ilekla, pinahtali-talingala wo kagenanganla né tou, é niimeko ni Opo Empung wia sé tou rumaraaté ni Sia.”

1 Korintus 6:9

Kaapa zéi'kan kata'uan niou wé, i sé tou zéi'kan ulit én zéi'kan iwéhé ni Opo Empung i maéndo tou witi Kakolanoan-Na? Tia' kamu ikalulu! Sé tou: memua-muali a sinéro' im pahmualin né zéi'kampé' kimawéng, mahsigi' sé opo-opo, samek, sé tuama mahsamek karia né katuama néra, sé mahwangun a makaizangen wia sé kasuat néra,

Galatia 5:21

soo milek sé tou walina mahpaa-paaz, matetewelen, memésta-mésta uman wo am walina. Tumoro niitu péléng, ni aku é mapagenanga wia ni kamu in tarékan tanu u méipapagenangku im puuna: séi uman sé mahwangun an téntu én zéi'kan makailek wéwéténgan witi Kakolanoan ni Opo Empung.

Efesus 5:5

Pahpaan, totoz im pahwéhanla genang ang kenu: Sé tou samek, sé memua-muali a sinéro' im pahmualin né zéi'kampé' kimawéng, kaapa malo'it, ni séra é masuatokan i mahongkot wia sé opo-opo, sé tou téntu én zéi'kan siapa si maéndo tou ni Kristus wo tou witi Kakolanoan ni Opo Empung.

1 Tesalonika 2:12

wo totoz mahaléi wia ni kamu i menou-nou mengiit um paaz ni Opo Empung. Ni Siamo si Opo Empung si timawah ni kamu i muntep witu ung Kakolanoan-Na wo witu ung kawangko'an-Na.

2 Timutius 2:12

Sa kita ezen im wana an zézéha, ni kita é mamerénta karia-Na. Taan sa kita mahkélong ni Sia, ni Sia kangkasii éng kumélong ni kita.

2 Timutius 4:8

In tarékan ung kukulu iwéhé wia ni aku é niimeko ni Opo Empung, pahpaan ni aku é nimangunola an ulit witu u sinaru-Na. Ni Sia én zéi'kan mahsanaweka i mahtotoz ulit kaapa zéi'kan am pahwangunen né tou. Zéi'kan uman ni aku si makailek niitu, taan maan péléng sé ma'ento' si Yesus i mawurimé sumaup.

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

Ibrani 11:16

Taan in tarékan, ni séra é lumelo un tana' u lumouspé'mé ung kawangunanna, niitu un tana' witi kasendukan. Niitumo si Opo Empung én zéi'kan maizang im pahkuan néra in Opo Empung néra, pahpaan si Opo Empung é nimimeko um wanua tua'na esa wia ni séra.

Ibrani 4:3

Pahpaan ni kita sé ma'éman é mamuntep witu un tampa makanaan, tanu u méikua ni Opo Empung in téntii, “Pahpaan in totoz maupi' ni Aku é mahtiwa', ‘Ni séra én zéi'kan ikauntep witu un tampa makanaan ing kumana' karia-Ku.’ ” Ni Sia éng kimua in téntu zozo' un tampa itii é méisampet-Namola i niimek-Na rengané ung kaayahan kenu im winangun.

Ibrani 9:26

Pahpaan sa téntu, tantumo ni Sia é léwo'zéi' mazézéha makaz i maté menau-naup rengané ung kaayahan kenu im winangun. Taan wana an endo kaakazan ung kaayahan kenu, ni Sia é makasa uman niméyé i mayo un tou-Na, maéndo raragés in tumubus a singkéla'ta.

Yakobus 2:5

Katuari-katuari ikararaatéku! Talingana, zéi'kankuaa si Opo Empung é niméléng sé tou sé pahkuan né tou wia ung kaayahan kenu in tou zéi'kan siapa apa, i maéndo tou wa'ilan witu um pa'émanen, wo maéndo tou-Na witi Kakolanoan-Na, tanu u méitaaz-Na wia sé tou rumaraaté ni Sia?

1 Petrus 1:9

Ni kamu é mahpaa-paazola pahpaan ni kamu é mémoipiloté im witu un ukuman wana a singkéla'. Niitumo um wua'na um pa'émanen niou wia si Yesus.

1 Petrus 3:9

Tia' u léwo'an ém waéran niou karia u léwo'an, kaapa u sasalou karia u sasalou. Taan, ipengaléi nioula wia si Opo Empung wo séra kamangené, pahpaan ni kamu én tinawah-Na i maéndo kamang wia sé tou walina, wo karia in téntu ni kamu é makailek ung kamang.

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.

Wahyu 17:8

Si binatang makaindé'en niilekmuma ing kataré, im puuna ni sia ém wiamo, taan in tarékan én zéi'mo wia. Ni sia é mondolé im witu um woso um patéan i maléwo'en. Sé tou mahento' wia ung kaayahan, sé zéi'kan méipantik witu ung kitap katou-touan rengané ung kaayahan kenu im winangun é mengusi-ngusingsing i nimileka si binatang, si im puuna ém wiamo taan in tarékan én zéi'mo wia wo mawia sumaup.

Wahyu 19:16

Witu ung karai tonton-Na wo witu um paa-Na ém pinantikan u ngaran, “Kolano péléng né kolano wo Tuang péléng né tuang.”

Wahyu 21:7

Séi si nimuntung, niitu péléng éng kailekanna. Ni Aku é maéndo Opo Empungna, wo ni sia é maéndo oki'-Ku.

Wahyu 5:10

Ni Ko nimanguno ni séra nimaéndo esa kakolanoan, wo kasii nimaéndo walian wia si Opo Empungta, wo ni séra sé mamerénta ing kolano wia ung kaayahan.”