Matius 25:32 - Taaz Weru Witu u Nunuwu'en Tombulu

³² Péléng sé tahsasana wanua é réwoken witu u sinaru-Na wo patampasen-Na sé tou maéndo zuana réwok, tanu si mahtéiz sé domba in timampas sé domba im wia sé kambing.

Matius 25:32 ပူးပေါင်းရင်းမြစ်များ

Matius 13:49

Téntumo kangkasii u mamuali witu un endo kaakazan ung kaayahan. Sé malaekat é méyé wia ung ka- ayahan wo métumampas sé tou léwo' im wia sé tou niéndo ulit ni Opo Empung.

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Matius 3:12

Un tataap ém witumo u lengen-Na in tumaap ang gandum makaz i maweresi. Ang gandum wangun é réwoken-Na witi pelélé'osan ang gandum, taan péléng am pesel é la'ungen-Na witu un api zéi'kan mahpaté.”

Yohanes 10:14

Ni Akumo si memimiara sé domba si lé'os uman wo kata'uang-Ku sé domba-Ku wo sé domba-Ku é mata'u ni Aku,

Yohanes 10:27

Sé domba-Ku mahtalinga u nuwu'-Ku wo ni Aku mata'u ni séra wo ni séra mahkiit ni Aku.

Roma 2:12

Péléng sé tou mahsingkéla' sé zéi'kan mata'u un ukum Torat én ukumen zéi'kan mengiit un ukum Torat. Taan péléng sé tou mahsingkéla' sé mata'umo un ukum Torat én ukumen mengiit un ukum Torat.

Roma 2:16

Niitu én ikatuzu'mokané witu un endo i si Opo Empung, mengiité si Kristus Yesus, i matumotoz ulit kaapa zéi'kan péléng a méikawuni witu un até né tou, mengiit u Nuwu' Lé'os tumoro si Yesus u mémoipapata'uku wia sé tou.

1 Korintus 4:5

Niitumo, ni kamu én tia'mo mahtotoz si tou simala' kaapa zéi'kan, niitu én zéi'kampé' orasna. Un orasna é si Mahpiara i mawurimé sumaup. In toro niitu, péléng an ipahwuni-wuni wana ang karimbengbengan én ipapailek-Na. Ituzu'-Na péléng ang ginenang ni tou. Tumondong niitu si esa wo si esa é loozen ni Opo Empung mengiité am pinahwanguna.

2 Korintus 5:10

Pahpaan ni kita péléng é léwo'zéi' i maisaru witu u rurumezan ni Kristus ing Kolano i matotozen ulit kaapa zéi'kan, wo sé tou si esa wo si esa é makailek um wawaér mengiit am winangunna, niitu im wangun kaapa léwo'.