Matius 25:30 - Taaz Weru Witu u Nunuwu'en Tombulu

³⁰ Wo si ata zéi'kan siapa torona itii, ilombo'moma sia witu ung karimbengbengan totoz rimbengbeng. Im witu ém wéwéhan an amé' makaz am waang éng karékétokan.”

Matius 25:30 ပူးပေါင်းရင်းမြစ်များ

Matius 13:42

Péléng sé tou léwo' itii é mailombo' né malaekat witu un tampa mahlayas, wo im witu ni séra é mamé' makaz am waang néra karékétokan.

Matius 13:50

Sé tou léwo' é mailombo' witu un tampa mahlayas. Im witu ni séra é mamé' makaz am waang néra karékétokan.”

Matius 22:13

Ang kuan ni kolano itii wia sé atana: Apusela un a'é wo u lengenna wo sia ilombo'ma witu ung karimbengbengan totoz rimbengbeng, im wana ém wéwéhan sé mahamé' makaz am waang néra éng karékétokan.

Matius 24:51

si ata itii ém wunu'en ni tuangna wo mangun ni sia maasar sé tou mahgau-gau lé'os. Im wana sé tou é mamé' makaz am waang éng karékétokan.”

Matius 3:10

Um pati ém witumo un tuuz ung kai wo péléng ang kai zéi'kan mahwua'mé wangun ém wanti'en wo itia' witu un api.

Matius 5:13

Kuan ni Yesus kasii, “Ni kamu én tanu un asin im wia ung kaayahan. Sa un asin itii tewango, apapé' u mangun un asin itii maasin sumaup? Un asin itii én zéi'mo siapa torona, niitu én itia'mokan wo ipeléé-léék né tou.

Matius 8:12

Taan sé tou Yahudi sé im puuna nimaéndo tou witi Kakolanoan ni Opo Empung én ilombo' witu ung karimbengbengan zéi'mo kakuaan. Im witu ni séra é mamé' makaz am waang néra éng karékétokan.”

Lukas 13:28

In toro niitu, ni kamu é mamé' wo am waang éng karékétokan, pahpaan ni kamu mahilek si Abraham, si Ishak, si Yakub wo péléng sé nabi witi Kakolanoan ni Opo Empung, taan ni kamu é méiwoho umané, zéi'kan toro muntep.

Yohanes 15:6

Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen.

Titus 3:14

Wo sé touta kangkasii é léwo'zéi' mahtata'ula i mahpaayang am paayangen wangun i mahwuwutul am pemandungen néra i mendo-endo, wo ung katou-touan néra ém wéwéhan un torona.

2 Petrus 2:17

Sé méster towo itii én zéi'kan siapa torona, tanu ung kembu'an nimaperamo, tanu u semu nimazéi'ma pahpaan i méiwalima u reges repet. Ni séra é niimekano ni Opo Empung un ukuman in iuntep witu ung karimbengbengan un totoz rimbengbeng.

Yudas 1:13

Tanu u sempa' makaindé'en witi tasik, u mahsewumé, ni séra kangkasii é mapailek am pahmualin néra ang kaizangnokané. Ni séra én tanumokan sé tototi'en mahéra-éra sé méimeko ni Opo Empung ung karimbengbengan witi lalem ung kaayahan makaz ing kauré-uré.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”