Matius 25:25 - Taaz Weru Witu u Nunuwu'en Tombulu

²⁵ Niitumo, ni aku é maindé' a mailé'oskumé an zoit itii méikiaré witu un tana'. In tarékan, kenumo an zoit ni Tuang.’

Matius 25:25 ပူးပေါင်းရင်းမြစ်များ

Matius 25:24

A méyé si ata si nimakailek u sana riwu zoit mas. Ang kuana wia si tuangna, ‘Tuang, kata'uangku sa si Tuang éng ketéh. Si Tuang é mahupu' wana an zéi'kan méikeroz ni Tuang, wo mengéngéndo wana an zéi'kan méitanem ni Tuang.

Matius 25:26

Ang kuan ni tuangna wia ni sia, ‘Ni ko én ata léwo' wo soo mawendu. Kata'uannumo ndéén sa ni aku é mahupu' wana an zéi'kan méikerozku wo mengéngéndo wana an zéi'kan méitanemku.

Roma 8:15

Pahpaan si Roh ni Opo Empung si kinailekan niou én zéi'kan nimangun ni kamu nimaéndo ata makaz nimangun ni kamu kinaindé'ampé', taan si Roh ni Opo Empung si kinailekan niou é nimangun ni kamu maéndo oki' ni Opo Empung. Karia ni Roh ni Opo Empung itii ni kita én toro tumawah si Opo Empung, “O Abba, o Ama'ku!”

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”