Matius 25:21 - Taaz Weru Witu u Nunuwu'en Tombulu

²¹ Ang kuan ni tuangna wia ni sia, ‘Totoz wangun um winangunmula itii. Ni ko én ata lé'os wo toro pa'émanen. Ni ko én toro pa'émanen i mahpaayang ang kori', niitumo ni ko én tarawésaangku u lumouspé'mé niitu. In tarékan muntepomé wo méyémo i mahpaa-paaz kariaku!’

Matius 25:21 ပူးပေါင်းရင်းမြစ်များ

Matius 24:45

Kuano kasii ni Yesus, “Sa téntu, séi si ata mahtali-talinga wo tulap si éndon ni tuangna i maéndo tonaas né ata walina wo mahwéhé ung kanen wia ni séra witu un oras tinotozo?

Matius 24:47

Uli-ulit ikua-Kuma wia ni kamu: Si tuangna itii én tumarawésa péléng a sangkumna wia si atana itii.

Matius 25:23

Ang kuan ni tuangna itii wia ni sia, ‘Totoz wangun um winangunmu itii. Ni ko én ata lé'os wo mahtali-talinga. Pahpaan ni ko én toro pa'émanen i mahpaayang ang kori', ni ko én tarawésaangku u lumouspé'mé niitu. Niitumo in tarékan, muntepomé wo méyémo i mahpaa-paaz kariaku.’

Matius 25:46

Sé tou kenu én iuntep witi tampa pahukuman makaz ing kauré-uré, taan sé tou ulit én iuntep witu ung katou-touan makaz ing kauré-uré.”

Lukas 12:44

Uli-ulit ikua-Kuma wia ni kamu: Si tuangna itii én tumarawésa péléng a sangkumna wia si atana itii.

Lukas 16:10

Si tou toro pa'émanen i mahpaayang ang kori', ni sia kangkasii én toro pa'émanen i mahpaayang a selah. Taan séi si zéi'kan mata'u pa'émanen i mahpaayang ang kori', ni sia kangkasii én zéi'kan mata'u pa'émanen i mahpaayang a selah.

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 14:3

Sa ni Aku nimangémomé witu wo nimimekomé un tampa niou, ni Aku é méyé sumaup wo mahwali ni kamu mangé witi pahwéha-wéhang-Ku, wo wisa uman un angéang-Ku, ni kamu kasii ém witu.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Roma 2:29

Taan si uli-ulit tou Yahudi é si uli-ulit tou Yahudi witu un aténa, wo si uli-ulit sinunat é si tou witu un aténa ém pahpaayangano ni Roh ni Opo Empung, zéi'kan uman méipantik witu um pahpantikan. U lolooz wia si tou tanu ni sia én zéi'kan wia si kasuat tou a méyé, taan wia si Opo Empung a méyé.

1 Korintus 4:5

Niitumo, ni kamu én tia'mo mahtotoz si tou simala' kaapa zéi'kan, niitu én zéi'kampé' orasna. Un orasna é si Mahpiara i mawurimé sumaup. In toro niitu, péléng an ipahwuni-wuni wana ang karimbengbengan én ipapailek-Na. Ituzu'-Na péléng ang ginenang ni tou. Tumondong niitu si esa wo si esa é loozen ni Opo Empung mengiité am pinahwanguna.

2 Korintus 10:18

Pahpaan zéi'kan si tou mahlooz un touna in esa si ulit im witu u sinaru ni Opo Empung, taan si tou pahloozen ni Opo Empung.

2 Korintus 5:9

Niitumo, ni kai im wiapé' un awak nai wia ung kaayahan kenu kaapa im witumo un awak weru witi kasendukan, ni kai é mahtututu' i sekezé é mahwangun si Mahpiara i mahpaa-paaz.

Filipi 1:23

Ni aku ém wutez i méléng, taan tawimo ni aku matéma wo mamento' mahwali-wali karia ni Kristus.

1 Timutius 3:13

Sé diaken wangun pakahpaayang ém pahsigi'en wo kawuayana i mahnuwu' tumoro um pa'émanen néra wia si Kristus Yesus.

2 Timutius 2:12

Sa kita ezen im wana an zézéha, ni kita é mamerénta karia-Na. Taan sa kita mahkélong ni Sia, ni Sia kangkasii éng kumélong ni kita.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Wahyu 2:10

Tia'mo maindé' wana an zézéha a léwo'zéi' im pendanen niou. Gena-genangen! Pahpaan i ma'éman ni Aku, sé woopira im wia ni kamu én iuntep ni tonaas né sétang witi bui im pema'wa'en wo zézéhan witu, mapulu'na endo ung kauréna. Taan zozo'pé' in téntu, ni kamu én tia' mazéi' i ma'éman wia ni Aku makaz i maté, wo ni kamu ém wéhang-Ku ung katou-touan makaz ing kauré-uré. Niitu ung kukulu-Ku wia ni kamu.

Wahyu 21:7

Séi si nimuntung, niitu péléng éng kailekanna. Ni Aku é maéndo Opo Empungna, wo ni sia é maéndo oki'-Ku.

Wahyu 3:21

Séi si nimuntung, énéang-Ku i marumumez karia-Ku witu u rurumezang-Ku ing Kolano, tanu ni Aku i nimuntungo wo rimumez mahwali-wali karia ni Ama'-Ku witu u rurumezan-Na ing Kolano.

Wahyu 7:17

Pahpaan si Anak ni Domba si rimumez witu un unez u rurumezan ni Kolano itii é mamiara ni séra wo mahwali ni séra i mamelep witi kembu'an u mahwéhémé ung katou-touan. Wo si Opo Empung é misu' péléng a lué' néra.”