Matius 25:2 - Taaz Weru Witu u Nunuwu'en Tombulu

² Sé lima im wia ni séra é lemou wo sé lima én tulap.

Matius 25:2 ပူးပေါင်းရင်းမြစ်များ

Matius 10:16

“Gena-genangen! Ni kamu é méiatu-Ku tanu si domba witu un unez né serigala. Niitumo, ni kamu é léwo'zéi' i siga' tanu si ulé' wo lé'os tanu si bombo.

Matius 24:45

Kuano kasii ni Yesus, “Sa téntu, séi si ata mahtali-talinga wo tulap si éndon ni tuangna i maéndo tonaas né ata walina wo mahwéhé ung kanen wia ni séra witu un oras tinotozo?

Matius 25:3

Sé raraha lemou itii nimahalimé a solo taan zéi'kan nimahalimé lana un ipahtégam.

Matius 25:4

Taan sé raraha tulap nimahalimé a solo wo kasii a lana wana am wotel néra in ipahtégam.

Matius 25:9

Taan sé raraha tulap é nimingkot umanla in téntii, ‘Ni kamu én zéi'kan wéhan nai, én taa u lana nai én zéi'mo maawes im wana a solo nai wo wana a solo niou. Tawimo ni kamu mangé wia sé mahwangkér lana wo matumelesé lana witu.’

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.

Yudas 1:5

Zozo' ni kamu én totozo mata'u niana péléng, taan ipapagenangkuma wia ni kamu i si Opo Empung im puuna é nimiloté sé tou-Na im witi tana' Mesir. Taan tumondong niitu im wia sé tou Israel sé zéi'kan ma'éman én zéi'kan méiwaya-Na i menou-nou.