Matius 25:12 - Taaz Weru Witu u Nunuwu'en Tombulu

¹² Taan si brédégom nimingkot umané, ‘Uli-ulit ikuakuma wia ni kamu, zéi'kan kata'uangku sa séi kamu.’ ”

Matius 25:12 ပူးပေါင်းရင်းမြစ်များ

Matius 25:11

A mawiamé sé raraha lemou itii, a séra mahkéréta, ‘Tuang! Tuang! Wukaan ndootuumé kai!’

Matius 25:13

Ang kuan ni Yesus, “Niitumo, tuméga-tégam, pahpaan zéi'kan kata'uan niou sa sawisa un endo wo un oras niitu i mamuali.”

Lukas 13:25

Sa si makawalé rimendaio a meneta um pepenet, ni kamu é rumendai witi ondol wo menéngko-néngkor. Ni kamu mahkuama, ‘Tuang, wukaan ndootuumé kai!’ A Sia mingkoté, kuan-Na, ‘Ni kamu én zéi'kan kata'uang-Ku wisa a méyé.’

Yohanes 10:27

Sé domba-Ku mahtalinga u nuwu'-Ku wo ni Aku mata'u ni séra wo ni séra mahkiit ni Aku.

Yohanes 9:31

Kata'uantamo i si Opo Empung én zéi'kan mahtalinga sé tou mahsingkéla' taan sé tou mahsigi' ni Sia wo mahwangun am paaz-Na.

1 Korintus 8:3

Taan si tou rumaraaté si Opo Empung, ni sia éng kata'uan ni Opo Empung.

Galatia 4:9

In tarékan ni kamu é mata'umo si Opo Empung, lumouspé'mé niitu si Opo Empung é mata'umo ni kamu. Kaa kamu mawuri uman taré wana an tinotoz an zéi'kan enté' wo zéi'kan siapa apa in iwéhé wo nimayo kasii un tou niou im pahata-atan an tinotoz itii?

2 Timutius 2:19

Taan un to'tolan winangun ni Opo Empung én totoz enté', witu um wawona ém pinantikan téntii, “Si Mahpiara én totoz mata'u sé tou anu-Na” wo “Péléng sé tou mahkua i ni sia én anu ni Mahpiara é léwo'zéi' in tumula'ula a léwo'an.”