Matius 24:5 - Taaz Weru Witu u Nunuwu'en Tombulu

⁵ Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’, wo lakez sé tou mailulu néra.

Matius 24:5 ပူးပေါင်းရင်းမြစ်များ

Matius 24:11

Lakez sé nabi towo sé méyé wo lumulu sé tou lakez.

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Yohanes 5:43

Ni Aku niméyé éng karia u ngaran ni Ama'-Ku taan ni kamu é soo sumungkul ni Aku. Taan sa sé tou walina méyé karia ung kawasana in esa, ni kamu ém paaz sumungkul ni sia.

Yohanes 8:24

Pahpaano niitu ing kataré ni Aku éng kimuama wia ni kamu i ni kamu é maté karia a singkéla' niou. Pahpaan sa ni kamu zéi'kan ma'éman i ni Akumo ni Sia si méipahkua-Kumola, ni kamu é maté karia a singkéla' niou.”

Yohanes 8:28

A si Yesus kumuama wia ni séra, “I ni kamu timoozola si Oki' ni Tou, taré kamu mata'u i ni Akumo Sia si méipahkua-Kula. Wo ni kamu é mata'u im péléng am pahwanguneng-Ku én zéi'kan pahwanguneng-Ku mengiit um paaz-Ku in esa. Taan ni Aku mémahkua umana a méituzu' ni Ama'-Ku wia ni Aku.

1 Yohanes 2:18

É kamu in oki'ku, in tarékan é merétémoma ung kaakazan ung kaayahan, wo tanu an tinalinga niouo i si kakoro' ni Kristus é méyé, wo in tarékan lakez sé kakoro' ni Kristus ém wiamo. Nianamo an tumuzu'mé wia ni kita sa un oras kenu én uli-ulit merétémoma ung kaakazan ung kaayahan.

1 Yohanes 2:22

Séi wé si towo itii? Zéi'kankuaa ni sia si mahkélong sa si Yesus é Mesias? Si kenumo si kakoro' ni Kristus, si mahkélong si Ama' wo si Oki'-Na.

1 Yohanes 4:3

Taan péléng sé roh, sé zéi'kan makaulit si Yesus tanu niitu, ni séra én zéi'kan wia si Opo Empung a méyé. Si roh itii é roh ni kakoro' ni Kristus. Wo un tumoro ni sia én tinalinga niouo, i ni sia é méyé wo in tarékan ni sia ém wiamo ung kaayahan.

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.