Matius 24:49 - Taaz Weru Witu u Nunuwu'en Tombulu

⁴⁹ ‘Si tuangku é mauré-urépé' i mawurimé’, a rengan im pahpatezennama sé ata walina, wo mahkan mahelep karia né matetewelen.

Matius 24:49 ပူးပေါင်းရင်းမြစ်များ

Matius 18:28

Taan i si ata itii mondolé im witu, a sia mahilekala karia ni ata walina si wéwéhan un utang sana atus dinar wia ni sia. An tionannala si kakariana itii ang kezangannala, kuana, ‘Waérenomé an utangmu wia ni aku!’

Matius 24:48

Taan sa si ata itii é léwo' wo gimenang in téntii,

Matius 24:50

Taan, i si tuangna itii mawurimé witu un endo zéi'kan pahgenangennala wo witu un oras zéi'kan kata'uanna,

Matius 7:15

Ang kuan kasii ni Yesus, “Mile-ilek im wia sé nabi towo! Ni séra méyé wia ni kamu é mahwangu-wangun lé'os tanu sé domba, taan ndéén ni séra é masuat wo si serigala meneza' tou.

Yohanes 2:10

ang kumua wia ni sia, “Péléng sé tou é méhépé'mé un anggor wangun wo sa sé tou teweleno, taré iondolé un anggor zéi'kan tahlous wangun. Taan ni ko, limé'os un anggor totoz wangun makaz in tarékan.”

Roma 16:18

Pahpaan sé tou téntu én zéi'kan mahpaayang wia si Kristus, si Mahpiarata, taan ni séra é mahpaayang i mahwuwutul uman am pemandungen néra. Karia an eenou wo a nunuwu'en tariis im pahtalingan, ni séra é mahtowo wia sé tou sé zéi'kan siapa kata'uan.

2 Korintus 11:20

Ni kamu én totoz ezen sa kamu: pahata-atan néra, kaapa pahkahatan an anu niou, kaapa pahkawasaan néra, kaapa pahloo-loozan néra un tou néra wo mahsepal ni kamu.

Filipi 3:19

Ing kamurian sé tou téntu é maléwo'en pahpaan zéi'kan memandung si Opo Empung taan memandung uman um poot néra in esa. Ni séra mahlooz am pahwangunen néra zozo' am pahwangunen néra itii é makaizangen wo am pegena-genangen néra ém wia uman ung kaayahan kenu.

1 Petrus 5:3

Tia' wo ni kamu mahpeperénta uman wia sé tou ma'éman sé méitarawésama ni Opo Empung wia ni kamu, taan ni kamu é maéndola kékéréan wangun wia ni séra.

Yudas 1:12

Ni séra én tanu a sezingna im wia ni kamu. Pahpaan i ni kamu mahkan mahwali-wali ing gumenang u raraatéan ni Opo Empung, ni séra én zéi'mo siapa izangna i mahkan wo zéi'kan mahgenang sé tou walina. Ni séra én tanu a ninahak zéi'kan mamuali uzan un ipahwali-wali uman u reges. Ni séra én tanu uman ung kai zéi'kan mahwua' im witu un oras i mua', um winutwutan an ahmutna wo uli-ulit nimaté.

Wahyu 13:7

Ni sia kasii é niénéan ing kumoro' wo kumala sé tou ni Opo Empung wo winéhan ung kawasa i merénta wia péléng sé tahsasana suzu wo sé tahsasana réwok mahtuari wo sé tahsasana nunuwu'en wo sé tahsasana wanua.

Wahyu 16:6

Ni séra é nimunu'mo sé tou ni Opo Empung wo sé nabi, ni séra kasii ém winéhan-Numola un zaha' in elepen. Un ukuman itii um wangun im wia ni séra!”

Wahyu 17:6

Ilekengkuma si wéwéné itii én teweleno pahpaan nimelep an zaha' né tou ni Opo Empung wo an zaha' né tou sé mahkua a niilek wo tinalinga néra tumoro si Yesus. Ni aku i nimileka si wéwéné itii én totoz mengusi-ngusingsing.