Matius 24:44 - Taaz Weru Witu u Nunuwu'en Tombulu

⁴⁴ Niitumo, ni kamu kangkasii én tuméga-tégam, pahpaan si Oki' ni Tou é méyé witu un oras zéi'kan kata'uan niou.”

Matius 24:44 ပူးပေါင်းရင်းမြစ်များ

Matius 24:27

Pahpaan kuramo un tila'pong i sumena'mé im witi sendangan makaz witi talikuzan, téntumo si Oki' ni Tou i mawurimé sumaup wia ung kaayahan kenu im woosawisa.

Matius 24:42

Niitumo, tuméga-tégam, pahpaan zéi'kan kata'uan niou sawisa si Mahpiara niou i mawurimé sumaup.

Matius 24:43

Taan gena-genangen ang kenu: sa kata'uano ni makawalé um wengi si maremu' i mérumemu', tantumo ni sia én timégamo makaz um waléna zéi'kan untepen ni maremu'.

Matius 25:10

Taan karegas sé raraha lemou itii i matimeles lana, a mawiamé si brédégom. Sé lima raraha tulap sé nimimeko é nimuntepa kariana witu um pahkawéngan, am penetené um pepenet.

Matius 25:13

Ang kuan ni Yesus, “Niitumo, tuméga-tégam, pahpaan zéi'kan kata'uan niou sa sawisa un endo wo un oras niitu i mamuali.”

Lukas 12:39

Kata'uan nioula ang kenu, sa kata'uan ni makawalé un oras ni maremu' i mérumemu', zéi'kan iwayana si maremu' i muntep witu um waléna.

Lukas 12:40

Niitumo, ni kamu kangkasii én tuméga-tégam, pahpaan si Oki' ni Tou é méyé witu un oras zéi'kan kata'uan niou.”

Lukas 21:36

Niitumo ni kamu én tuméga-tégamla karia i mengaléi, wo kamu makailek ung kaenté'an wo makawawa i mahsaru a mamuali itii wo ezen i rimendai witu u sinaru ni Oki' ni Tou.”

Filipi 4:5

Mahtututu'la wo ung kalé'osan un até niou éng kata'uana péléng né tou. Pahpaan un endo si Yesus Mahpiara i mawurimé sumaup éng kaleleznamo.

Yakobus 5:9

Katuari-katuari, ni kamu én tia' mema'o-ma'os wo mahpasasala' si esa wo si esa, wo kamu zéi'kan ukumen. Si mahtotoz am winangun né tou in ulit kaapa zéi'kan é rimendaio witu um pepenet.

Wahyu 19:7

Méyémo kita péléng kumérét karia mahpaa-paaz, i sumigi' wo lumooz ni Sia! Pahpaan un endo si Anak ni Domba ing kumawéng é mémoikaayola, wo si kawéngen-Na é nimimeko.