Matius 24:38 - Taaz Weru Witu u Nunuwu'en Tombulu

³⁸ Kuramo séra i mahkan wo mahelep, mahkawéng wo pakawéngen, puunala un ampuhan i niméyé makaz witu un endo si Nuh i nimuntep witu u londéi tua'na,

Matius 24:38 ပူးပေါင်းရင်းမြစ်များ

Matius 22:30

Pahpaan witu un endo sé tou itoumé sumaup ni Opo Empung, ni séra én zéi'kan mahkawéng wo pahkawéng, taan ni séra péléng é menou-nou tanu sé malaekat witi kasendukan.

Lukas 12:19

Tumondong niitu ni aku éng kumua witu un touku in esa in téntii, ‘Ni aku én totozo wa'ilan, am pahupu'en ém wangun wo kumuwu-kuwu, pahta'unan ing kuman niana. Niitumo in tarékan ni aku én toro kumana'pé'la. Kuman wo melepé'la karia i mahpaa-paaz.’

Lukas 12:45

Taan sa si ata itii léwo' ang gumenangla in téntii, ‘Si tuangku é mauré-urépé' i mawurimé’. A rengan im pahpatezennama sé ata tuama wo sé ata wéwéné, wo ni sia kuman wo melep makaz nimatewelen.

Lukas 21:34

“Tuméga-tégam un toumu wo tia' megena-genang uman u mahpaa-paaz im wana am pésta, wo u mahelep makaz i matewelen karia in tahlous mahgenang am pemandungennu i mendo-endo, wo i si Oki' ni Tou méyé sumaup ni kamu én zéi'kan mengompo'.