Matius 24:36 - Taaz Weru Witu u Nunuwu'en Tombulu

³⁶ Kuan kasii ni Yesus wia ni séra, “Zéi'kan siapa tou si mata'u sa sawisa un orasna si Oki' ni Tou i mawurimé sumaup. Sé malaekat witi kasendukan én zéi'kan mata'u wo si Oki' ni Tou kangkasii én zéi'kan mata'u, akaz uman si Ama' in esa si mata'u.

Matius 24:36 ပူးပေါင်းရင်းမြစ်များ

Matius 24:42

Niitumo, tuméga-tégam, pahpaan zéi'kan kata'uan niou sawisa si Mahpiara niou i mawurimé sumaup.

Matius 24:44

Niitumo, ni kamu kangkasii én tuméga-tégam, pahpaan si Oki' ni Tou é méyé witu un oras zéi'kan kata'uan niou.”

Matius 25:13

Ang kuan ni Yesus, “Niitumo, tuméga-tégam, pahpaan zéi'kan kata'uan niou sa sawisa un endo wo un oras niitu i mamuali.”

Markus 13:32

Si Yesus kumua kasiila, “Taan tumoro un endo wo un oras si Oki' ni Tou i mawurimé sumaup én zéi'kan siapa zozo' in esa si mata'u. Sé malaekat witi kasendukan én zéi'kan mata'u, téntu kangkasii si Oki' ni Tou én zéi'kan mata'u, akaz uman si Ama' in esa si mata'u.

Kisah Rasul-rasul 1:7

A si Yesus mingkotla wia ni séra, “Un oras wo sawisa niitu i mamuali én zéi'kan totoz ing kata'uan niou, si Ama' uman si wéwéhan kawasa in tumotoz un oras itii.

1 Tesalonika 5:2

Pahpaan uli-ulit kata'uan niou, ni Sia i méyé sumaup én tanu si maremu' méyé im wengi.

2 Petrus 3:10

Taan un endo si Mahpiara i mawurimé sumaup én tanu si maremu' i mérumemu'. Im witu un endo itii, u langit é mazéi' karia un zanina un erut totoz makaindé'en. Péléng am witi langit é nimala'ung makaz i maapu wo ung kaayahan wo péléng am witu é maapu.

Wahyu 16:15

“Ilekené, ni Aku i méyé én tanu si maremu'. Mahpaa-paazola si tou totoz timégam wo niméhé genang witu ung kinaraina, wo sia i lumampang én zéi'kan maizang pahpaan in timangkol.”

Wahyu 3:3

Niitumo, gena-genangen an tutuzu' kinailekan wo tinalinga niouo. Pahwangunela niitu wo itula'umola a singkéla' pahwangunen niou. Pahpaan sa ni kamu zéi'kan timégam, ni Aku i mawurimé sumaup é mahkompo-kompo' umané tanu si maremu', wo ni kamu én zéi'kan mata'u sawisa un orasna ni Aku i méyé wia ni kamu.