Matius 24:31 - Taaz Weru Witu u Nunuwu'en Tombulu

³¹ Ni Sia é matu sé malaekat-Na i mondola karia i simengoma um pontuang ung karimez un zanina zéi'mo kakuaan. Ni séra é ruméwok péléng sé tou pinéléng-Na im wana péléng saruan, sé witi penpen u langit kasaru makaz witi penpen u langit kasaru.”

Matius 24:31 ပူးပေါင်းရင်းမြစ်များ

Matius 13:41

Si Oki' ni Tou é matu sé malaekat-Na i maruméwok sé tou witi Kakolanoan-Na sé nimangun sé tou walina i mahsingkéla' wo péléng sé tou zéi'kan mahkiit um paaz ni Opo Empung.

Matius 24:22

Sa un oras itii zéi'kan rewekena ni Opo Empung, zéi'kan siapa zozo' in esa si tou makailek ung katou-touan makaz ing kauré-uré. Taan pahpaan u raraatéan wia sé tou pinéléng-Na, un oras itii é rinewek-Na umana.

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 24:32

Ang kuan ni Yesus wia sé pahtuzu'en-Na, “Mahtata'ula witu ung kalakoan un aandéan tumoro ung kai ara. Sa am pangana rintek é mahmata'moma wo mahsuzumomé, kata'uan niou sa un oras i raazen é lelezo.

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Markus 13:27

In toro niitu kangkasii sé malaekat én iatu-Na i maruméwok péléng sé tou pinéléng-Na sé wana an epat saruan, rengané witi pondol ung kaayahan makaz witi pondol u langit.”

Lukas 24:47

Witu u ngaran-Na kangkasii um wowoka' tumoro un tumula'ula a singkéla' wo i si Opo Empung zuméi' a singkéla' én totoz maiwoka'la wia péléng sé tahsasana wanua, rengané witi Yerusalem.

Yohanes 11:52

Wo zéi'kan uman wia sé tahsasana wanua itii taan kangkasii i ruméwok wo mapaheesa sé oki' ni Opo Empung sé méikasera.

Roma 10:18

Taan ni aku é meligau: Apa sé tou Yahudi én uli-ulit zéi'kampé' timalinga u Nuwu' Lé'os tumoro si Yesus itii? Ni séra én timalingamo niitu. Pahpaan witu um Pinantik Lenas é méipantik in téntii, “Si nimahalimé an ipapata'u é nimapata'umoma wia péléng ung kaayahan, wo u méikua nérama én tinalingamoma makaz witi pondolna ung kaayahan.”

1 Korintus 15:52

Niana i mamuali én totoz rewek tanu am pinitpitan umana. Pahpaan in zumanimé um pontuang totoz kamurian, sé nimatémo én itou sumaup ni Opo Empung karia un awak zéi'kan mahléwo-léwo'la. Ni kita i menou-noupé', un awakta é mangé walinan.

Efesus 1:10

Ung ginenang ni Opo Empung itii é mangun péléng am witi kasendukan wo am wia ung kaayahan maesa wia si Kristus, wo si Kristus é maéndo Tonaas péléng am péléng i méikaayomola witu un orasna.

1 Tesalonika 4:16

I méyé um perénta witi kasendukan, si tonaas né malaekat én totoz rimez i numuwu'ma wo um pontuang ni Opo Empung én zumanimé, a si Yesus Mahpiara tumumpamé im witi kasendukan wo sé tou ma'éman wia ni Sia sé nimatémo ém puuna in itou sumaup.

2 Tesalonika 2:1

Katuari-katuari, tumoro kura si Yesus Kristus Mahpiarata i méyé sumaup wo kura kasii Sia i ruméwok ni kita i mahwali-wali karia-Na én téntii um pahaléien nai wia ni kamu:

Ibrani 12:19

karia un zanina um pontuang wo u nuwu' ni Opo Empung. I sé tou Israel timalingamé u nuwu' itii, ni séra mahaléi wo u mahnuwu'mé itii éng kumana'mola i mahnuwu' wia ni séra.

Wahyu 1:20

Ung kalakoan a méiwunipé' itii én téntii: Sé pitu tototi'en tinionan u lengen-Ku kakan é sé pitu malaekat wia sé pitu jamaat, wo um pitu pahto'tolan solo a mas am wangunen é sé pitu jamaat.”

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”

Wahyu 7:1

Kumawusa niitu, ilekengkuma sé malaekat epat rimendai witu un epat zuhuna ung kaayahan. Ni séra é nimapé' witu u reges sendangan, u reges timuh, u reges talikuzan wo u reges amian, wo a reges itii zéi'kan mahtoromé ung katanaan kaapa un tasik kaapa ang kai.

Wahyu 8:2

An ilekengkuma sé pitu malaekat rimendai witu u sinaru ni Opo Empung. Ni séra ém winéhan tata'saan um pontuang.