Matius 24:17 - Taaz Weru Witu u Nunuwu'en Tombulu

¹⁷ Si tou witu um wawo um walé én tia'mo mahtutumpamé i maméndo am witu un untep um walé.

Matius 24:17 ပူးပေါင်းရင်းမြစ်များ

Matius 10:27

A méikua-Ku wia ni kamu karia in ipahwuni-wuni é maipakaulitla wia sé tou. Wo a méipahkewit-Ku umanla wia ni kamu é maiwoka'la wia sé tou tanu im witu um wawo um walé wo mahwoka'.

Matius 24:16

In toro niitu, sé tou witi Yudea é léwo'zéi' tumingkas wana ang kentur.

Matius 24:18

Wo si witi uma én tia'mo maheesu'mé i maméndo ang karaina.

Matius 6:25

“Niitumo ikua-Kuma wia ni kamu: Tia'mo ikaarét ung katou-touan niou, tumoro ung kanen kaapa un elepen niou wo tia' kangkasii ikaarét un awak niou, tumoro ang karaien niou. Zéi'kankuaa ung katou-touampé' un ipahpuu-puuna taan ung kakanen, wo un awakpé' un ipahpuu-puuna taan ung karai?

Lukas 12:3

Péléng an ipahwuni-wuni niou éng kata'uan né tou lakez. Péléng a méipahkewit niou wana a méikawuni én iwoka' wia sé tou tanu im witu um wawo um walé wo mahwoka'.”

Lukas 5:19

Taan pahpaan im witu é lakez tou, ni séra zéi'kan mata'u muntep, a sia ipenék nérama witi wawo um walé, ang kumayasla un atep, a sia itonton nérama karia um wuwuléngan witu un unez né tou lakez, witu sinaru ni Yesus.

Kisah Rasul-rasul 10:9

Masandomé, i lolamboto, sé tou telu itii é merétémoma u Yope. In toro niitu kangkasii si Petrus é nimenéka witi welah atas um walé a sia mengaléi.