Matius 23:5 - Taaz Weru Witu u Nunuwu'en Tombulu

⁵ Péléng am paayangen am pahwangunen néra én akaz uman in ipapailek wia sé tou. Un tali pemamakén i mengaléi ém winangun nérala malempa-lempaz wo a rumbaina ung karai tonton néra é linambo-lambo'.

Matius 23:5 ပူးပေါင်းရင်းမြစ်များ

Matius 9:20

Karegas séra i mahlampang wéwéhan si wéwéné si mapulu' wo zuana ta'uno zézéha im pahondolan. Ni sia é rimétéla witu u muri ni Yesus a sumahiza u rawisna ung karai tonton ni Yesus.

Lukas 16:15

Ang kuan ni Yesus wia ni séra, “Ni kamu é mapailek wia sé tou i ni kamu én ulit, taan kata'uan ni Opo Empung am witu un até niou. Pahpaan am pahgenangela né tou in totoz wangun im wia ung kaayahan, niitu én ikazi'zis ni Opo Empung.

Lukas 20:47

Ni séra ém paaz menonowo wia sé wéwéné mahesa-esamokan ing kumahat am walé néra. Wo i mahwuwuni a léwo'an pahwangunen néra itii, am pakahpengaléi néra é lambo'. Ni séra é maukumen totoz wutez.”

Yohanes 12:43

Pahpaan u lolooz né toupé' ung kapaaz néra taan u lolooz ni Opo Empung.

Yohanes 5:44

Kura kamu toro ma'éman wia ni Aku, sa kamu paaz uman i sigi'en né tou, taan ni kamu soo menéro u sigi' ni Opo Empung si Esa uman?

Yohanes 7:18

Si tou si mahnuwu' karia ung genangna in esa, ni sia é menéro uman u sisigi'an witu un touna in esa, taan si tou mahpenéro u sigi' wia si Opo Empung si nimatumé ni sia, ni sia én ulit wo im wia ni sia én zéi'kan siapa an towo.

Filipi 1:15

Wéwéhan sé mahwoka' tumoro si Kristus pahpaan ni séra é mahtéutéu wo mahéndo-éndoan kariaku. Taan wéwéhan sé mahwoka' tumoro si Kristus ém wangun ung kalakoana.

Filipi 2:3

Tia' menéro-néro uman um pemandungen in esa kaapa menéro-néro a lolooz an zéi'kan siapa torona. Tawimo in irorosla un tou niou wo pahgenangela i sé tou walinapé' sé ipahpuu-puuna taan un tou in esa.

2 Tesalonika 2:4

Ni sia é masumaru si Opo Empung wo mahlooz un touna rumakékpé'mé sé pahsigi-sigi'en kaapa sé pahongko-ongkotan né tou in Opo Empung néra. Lumousé niitu, ni sia é marumumez witi untep um Walé ni Opo Empung wo mapakua witu u saru-sarun né tou i ni sia én Opo Empung.