Matius 23:34 - Taaz Weru Witu u Nunuwu'en Tombulu

³⁴ Niitumo, ilekena! Ni Aku nimatumomé wia ni kamu sé nabi, sé tou lintas wo sé tou tulap un Torat. Sé woopira im wia ni séra ém wunu'en niou wo salipen niou, wo sé walina kasii é saluken niou wana am walé peraragésan niou in tou Yahudi wo pahkikiiten niou im witu um wanua tua'na esa makaz wana am wanua tua'na walina in zézéhan.

Matius 23:34 ပူးပေါင်းရင်းမြစ်များ

Matius 10:23

Sa kamu pahzézéhan néra witi wanua tua'na esa, tumingkasoma witi wanua tua'na walina. Pahpaan uli-ulit ikua-Kuma wia ni kamu: Puunala péléng am wanua tua'na witi Israel pakaangéan nioué, si Oki' ni Tou é niméyémo sumaup.

Matius 13:52

Ang kuan ni Yesus wia ni séra, “Niitumo, péléng sé tou tulap un Torat sé timalingamo an tutuzu' tumoro ung Kakolanoan ni Opo Empung én tanu si makawalé si nimondolé péléng a sangkum werupé' wo an urémo im wana am pahtu'tulan a sangkumna.”

Matius 23:31

Taan karia ni kamu i mahkuamé in téntu, ni kamu é nimakaulitola sa ni kamu é suzu né tou sé nimahwunu'mé sé nabi itii.

Lukas 24:47

Witu u ngaran-Na kangkasii um wowoka' tumoro un tumula'ula a singkéla' wo i si Opo Empung zuméi' a singkéla' én totoz maiwoka'la wia péléng sé tahsasana wanua, rengané witi Yerusalem.

Yohanes 16:2

Ni kamu én iwoho né tonaas né tou Yahudi im wana am walé peraragésan néra. Wo un orasna é méyé i si tou mahwuwunu' ni kamu é mahgenangla ni sia é mahpaayang wia si Opo Empung.

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Kisah Rasul-rasul 1:8

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

Kisah Rasul-rasul 11:27

In toro niitu, sé woopira nabi witi Yerusalem é niméyé witi Antiokhia.

Kisah Rasul-rasul 12:2

Ni sia nimatu i munu' si Yakobus si totoz katuari ni Yohanes karia um pisou.

Kisah Rasul-rasul 13:1

In toro niitu, im wia sé jamaat witi Antiokhia ém wéwéhan sé woopira nabi wo méster. Ni séra é si Barnabas, si Simeon pahkuan in Zemdem, si Lukius tou Kirene, si Menahem si rengané ing koki' ém piniara karia ni kolano Herodes, wo kasii si Saulus.

Kisah Rasul-rasul 14:19

Méyé sé tou Yahudi sé witi Antiokhia wo Ikonium, mahaker sé tou lakez ing kumiit ni séra. A si Paulus pahweriten néra karia am watu. Pahpaan pahgenangen nérala ni sia é nimatémo, a sia kéhongen néramé méiondolé im witi wanua tua'na.

Kisah Rasul-rasul 15:32

Lakez a méikua ni Yudas wo ni Silas u nimangun sé katuari esa pa'émanen mahpaa-paaz wo nimenté' un até néra. Ni séra zua kangkasii é nabi.

Kisah Rasul-rasul 5:40

An tawahen néramé sé aatu itii an iatu nérama sé tou i sumaluk sé aatu itii. Wo ni séra kangkasii é siméro'la sé aatu itii i mahtuzu' karia u ngaran ni Yesus. Kumawusa niitu an ipilot néramé sé aatu ni Yesus itii.

1 Korintus 2:6

Zozo' in téntu, im wia sé tou totozo lutu' i ma'éman, ni aku éng kimuamoma ung katulapan. Ung katulapan itii é méyé zéi'kan wia ung kaayahan kaapa wia sé mahkawasa wia ung kaayahan kenu sé mazéi'en.

1 Korintus 3:10

Si Opo Empung én timambéré ung kamang wia ni aku makaz ni aku si nimaéndo tanu tonaas né mahpaayang in zimeta' um watu to'tolan um walé. Sé tou walinamokan sé mangun um walé witu um wawo um watu to'tolan méizeta'ku itii. Taan sé tou mahrendai um walé witu un to'tolan itii én totoz mile-ilek i mahpaayang.

Kolose 1:28

Si Kristus itiimo si ipahwoka' nai wia si esa wo si esa, i ni kai mahsésa wo mahtuzu' ni séra karia ung katulapan u méiwéhémé ni Opo Empung, i mangun péléng sé tou uli-ulit ma'éman wia si Kristus.

1 Tesalonika 2:16

Ni kai ém pahapé-apé'an néra i mahwoka' u Nuwu' ni Opo Empung u milot sé tou zéi'kan Yahudi im witu un ukuman wana a singkéla'. Karia in téntu sé tou Yahudi é mengawe-ngawes a singkéla' néra makaz i malekep wo in tarékan un upi' ni Opo Empung én timoromo ni séra.

Ibrani 11:37

Im wia ni séra kasii ém wéwéhan sé winerit karia am watu makaz nimaté, sé sinoyou pinahzua wo winunu' karia um pisou. Wéwéhan kasii sé tou ung katou-touan néra éng karaaténokané, ni séra ém wayaan uman kaangéan kimarai uman ung kulit ni domba wo ung kulit ni kambing, zéi'kan siapa apa, pahwangunan né tou léwo' kiit um paaz néra makaz i nimasusa wo pahzézéhan.

Wahyu 11:10

Sé tou wia ung kaayahan én totoz mahpaa-paaz, pahpaan sé tou zua itii é nimatémo. Sé tou itii é mahpésta wo mahsasawelan ang kukulu, pahpaan sé zua nabi itiimo sé im puuna nimangun sé tou wia ung kaayahan totoz nimazéha-zéhama.